Hárið á hausnum á okkur

 

Í gegnum árin hefur mig oft langað að ganga berserksgang eftir að hafa eytt stund á hinum ýmsu hárgreiðslustofum... setið fyrir framan spegil og fylgst með stórslysi í uppsiglingu. 

Ég hef samt aldrei látið það eftir mér.

Ég verð fjörutíu og eins árs á þessu ári og ég held að það séu ekki nema í mesta lagi tvö ár síðan þessi tilfinning kom yfir mig í síðasta sinn.

Hún byrjar sem kitlandi pirringur í maganum, færist upp eftir líkamanum. Orsakar stífar axlir, herping við munnvikin og stjörnur fyrir augunum.

Allt vegna áreynslu við að halda aftur að lönguninni til að stappa niður fótum, öskra hátt og hömlulaust, bíta sökudólginn, fleygja sér í gólfið og berja gólfefnið með krepptum hnefum, sparka með bífunum út í loftið og gráta fögrum tárum. Og hér erum við ekki að tala um uppúrkreist krókódílatár heldur alvöru vatnsflaum sem kemur beint frá brostnu hjarta.

Það breytir ekki neinu að í flestum... ef ekki öllum... þessum tilvikum, hef ég getað sjálfri mér um kennt. Það hefur verið ég sem ákveð að ''reyna eitthvað nýtt'', ekki verið ánægð með afraksturinn og eigin hugmynd og þá er svo þægilegt að grenja: ''klipparinn misskildi mig''.

Það er ekki ofsögum sagt að hárið skipti okkur konur máli.  Við veljum okkur hárgreiðslu eftir því í hvernig skapi við erum. Eftir því hvernig við viljum koma fyrir. Uppsett fyrir virðuleikann, sléttað við dragtina, krullað á tálkvendinu.

En auðvitað eru líka til karlmenn sem leggja mikið upp úr hárinu á sér. Við erum svo sem ekkert einar um þetta.

 

 

 

Óánægður kúnni beit hársnyrtinn

Athugasemdir

[Ómar Ingi, 12.3.2009 kl. 18:54]

[Anna Margrét Bragadóttir, 12.3.2009 kl. 19:16]

[Sólveig Hannesdóttir, 12.3.2009 kl. 19:39]

Hvað ég kannast við þetta.

[Danni (IP-tala skráð) 12.3.2009 kl. 21:26]

Er það alveg úr myndinni að minnast á þetta á meðan klippingu stendur og reyna að miðla málum?

[Jóna Á. Gísladóttir, 12.3.2009 kl. 23:20]

Sólveig. Ætli flestar konur geri það ekki.

Danni. Ansi góður punktur.  Það væri auðvitað eina vitið. En stundum vitum við ekki hvað við viljum... eða viljum ekki.. fyrr en eftir á

[Jóna Kolbrún Garðarsdóttir, 13.3.2009 kl. 01:12]

Ég ráðlegg þér að panta tíma hjá Hlyn sem vinnur á Hár Grand eða eitthvað svoleiðis og láta hann ráða.  Hann er frumlegur og smekklegur.  Allar dætur mínar versla við hann og eru alltaf flottar um hárið

[Einar Indriðason, 13.3.2009 kl. 07:57]

Svo er hægt að fá kiwi..... allt-af..... enda bara með stutta brodda (ef þá það).....

[Ía Jóhannsdóttir, 13.3.2009 kl. 11:09]

Heheheh hef oft verið í sömu sporum og þú Jóna mín.  Góða helgi bloggvinkona

[Birna Dis Vilbertsdóttir (IP-tala skráð) 13.3.2009 kl. 14:38]

[Kjartan Pálmarsson, 13.3.2009 kl. 16:54]

Nei sko! Sjáið þið sköllóttu konuna með síðahárið

[Valgerður Ósk (IP-tala skráð) 13.3.2009 kl. 16:55]

Ég er ein af þeim (fáu) sem fer ekki út af stofunni fyrr en ég er sátt!!! Ég hef meira að segja farið daginn eftir og beðið um lagfæringu!!!!

Ég er reyndar mjög lítil greiðslumanneskja því ég er með snarhrokkið hár sem gerir það sem það vill, var lengi vel með alveg stutt hár (meira að segja prufað að láta raka alveg niður í 2-3 millimetra en núna hef ég ekki látið klippa mig síðan des 2007....ég er semsagt meiri í ökla eða eyra manneskja en nokkuð annað  

[Jóna Á. Gísladóttir, 13.3.2009 kl. 18:43]

Jóna. Bara svo enginn sé misskilningurinn: ég er fullkomlega sátt hjá honum Óla á Solid. En ég hef farið víða, sérstaklega á mínum yngri árum.

Einar. Það ætti næstum þvi að vera skylda að allir prófuðu Kiwi allavega einu sinni um ævina

Kjartan. Þetta er maður.. ha! sköllóttur maður með sítt hár

Valgerður. Ég hef nú líka gert það. Þ.e. farið einhverjum dögum seinna og látið laga.

Þú hefur sem sagt prófað kiwi

[Kjartan Pálmarsson, 13.3.2009 kl. 19:20]

Hahahahha ég sá þig bara fyrir mér hehehe sköllótt með sítt að aftan....svolítið mikið 80´s eiginleg of mikið kannski hehehe

[Margrét Birna Auðunsdóttir, 14.3.2009 kl. 13:14]

Ansi voldugur, þessi sköllótti með síða hárið. Hann er með þessar tvær pínulitlu manneskjur alveg í hendi sér Maður ætti kannski að prófa greiðsluna...