Afi pissar í klósettið og Sá Einhverfi settur undir smásjá

 

Anna systir á lítinn sonarson sem er allavega á topp 10 yfir mestu dúllur veraldar.

Krakkaormurinn sem er rétt rúmlega tveggja ára, er ótrúlega fljótur til. Orðaforðinn er gífurlegur og svo er hann svo sniðugur.

Þegar var byrjað að vinna í því að láta hann pissa í klósett, fékk hann að sjálfsögðu gífurlegt hrós og klapp þegar vel tókst til.

Svo var það eitt sinn sem hann gekk inn á afa Bigga þar sem afinn var að pissa í klósettið.

Guttinn rak upp stór augu og hrópaði svo upp: Vá ai Biggi - pissa í klósettið - dulegur!!

--------

Í dag rann það upp fyrir mér að við Bretinn höfum leyft Þeim Einhverfa að leika lausum hala of lengi. Og án þess að gera okkur grein fyrir því. Reyndar var svolítið sem Gelgjan sagði sem fékk mig til að kveikja á perunni.

Ég gleymi því alltaf  að drengurinn minn gengur í gegnum tímabil í lífinu eins og önnur börn. Uppreisn tveggja ára aldursins gekk í gegn hjá honum um 4ra ára aldurinn. Sjálfstæðisyfirlýsing þess fjögurra ára gerðist sirka um 6 ára aldurinn.. og svo mætti lengi telja.

Nú er búið að vera ansi rólegt og afslappað tímabil í góðan tíma. Barnið klárlega afskaplega vel heppnað og vel upp alið og allt hefur gengið tiltölulega smurt. Allavega svona á þessa heimilis mælikvarða.

Svo var það  í dag sem ég dreif mig loksins með Þann Einhverfa á sundnámskeið. Fyrir nokkrum tíma síðan fékk ég skilaboð frá skólanum þess efnis að stráksi væri orðinn svo klár að tímabært væri að setja hann á hnitmiðað sundnámskeið hjá Ösp, íþróttafélagi fatlaðra.

Það er búið að taka mig 2-3 vikur að koma mér að verki því þetta kemur auðvitað niður á starfinu mínu, en í dag lét ég sem sagt til skarar skríða.

Og þetta gekk allt saman í sögu þar til sundkennarinn benti Þeim Einhverfa á að það væri bannað að hoppa ofan í laugina. Það var nú meira en litla hjartað þoldi, að einhver ókunnugur maður væri að setja ofan í við hann. Ég hélt svei mér þá að drengurinn myndi ekki jafna sig á þessu.

Ég ákvað að koma við í Skalla og kaupa ís handa honum, til að hann ætti allavega góða og jákvæða minningu sem tengdist þessum fyrsta sundtíma. Þá var krakkinn bara eitthvað grömpí og hálfhvæsti á konuna sem afgreiddi okkur. Svo neitaði hann að taka af sér Spiderman vettlingana og fór að gráta þegar ég sagði að hann fengi þá bara engan ís.

Þegar heim kom og ég tilkynnti honum að hann ætti að lesa í lestrarbókinni sinni þá neitaði hann því. Og er ég skipaði honum höstugum rómi að fara á klósettið, sem fór ekkert á milli mála að yrði að vera fljótlega á dagskrá, þá harðneitaði hann því.

Hann gaf sig þó, hljóp inn á klósett og lokaði. Svo heyrði ég í Lottu í Ólátagarði í gegnum lokaðar dyrnar: HEIMSKA MAMMA!!!

Hann er þó allavega farinn að nota setningar úr sínum ástkæru bíómyndum, á réttum stöðum. Ansi oft undanfarið hefur hann stappað niður hægra fæti að hætti Lottu og sagt háum og ákveðnum rómi: ÉG GERI ÞAÐ EKKI!!!

 

Það getur þá átt við ýmis konar beiðnir sem ég ber upp við hann. Eins og: gakktu frá skónum þínum og úlpunni - komdu að borða - farðu að pissa - settu diskinn í vaskinn - bursta tennurnar - o.sfrv.

Í dag þegar ég var að segja Bretanum frá hinum skapgóða dreng, þá sagði Gelgjan: hann er að ganga í gegnum tíu-ára-feisið.

Eureka!! Auðvitað! Það er nákvæmlega það sem er að gerast og hefur verið að gerast undanfarna tvo mánuði. Ég hef bara ekki tekist á við það og verið alltof undanlátssöm. Verið að hlífa honum en auðvitað mest sjálfri mér.

Eftir pælingar og diskúsjónir höfum við komist að þeirri niðurstöðu að framundan er örlítið töff tímabil. Þar sem verður mikið um mótmæli, grát og gnístran tanna. En það er ekki það fyrsta og verður ekki það síðasta.

Og í þessum skrifuðu orðum var ég að uppgötva annað: þetta er fyrsta aldurstímabilið sem hann tekur á réttum aldri. Það hlýtur þó alltaf að vera góðs viti, ekki satt?

 

 

Athugasemdir

[Ásdís Sigurðardóttir, 23.10.2008 kl. 01:25]

Vel skrifað að vanda, þú átt svo auðvelt með að sýna manni aðstæður á myndrænan hátt.  Strákurinn verður sjálfsagt alltaf handful eins og fleiri góðir guttar, en eftirá er þetta svo gaman. Gangi ykkur vel í að setja reglur.  Knús á familíuna

[Ása Ninna Katrínardóttir (IP-tala skráð) 23.10.2008 kl. 01:38]

Frábær færsla! Gangi ykkur vel í gegnum 10ára feisið!

[Jóna Kolbrún Garðarsdóttir, 23.10.2008 kl. 01:42]

OOH þá eru gelgjuhremmingarnar á næsta leiti hjá stráknum, ég vona að ykkur gangi vel á næstunni. 

[Sporðdrekinn, 23.10.2008 kl. 02:03]

Þessi blessuðu gelgjuskeið koma mér alltaf jafn mikið á óvart  Held að það sé eitthvað tengt því að maður sér ekki að börnin sín stækka, fyrr en Úpps hvenær varðst þú árinu eldri?

Ég myndi halda að það sé góðs viti, knús á ykkur bara    

[María Guðmundsdóttir, 23.10.2008 kl. 08:55]

thau taka svo asskoti mørg feis ad madur á erfitt med ad fylgjast med 

thad hlýtur bara ad vera góds viti ad hann sé á tiu ára skeidinu núna,hann er alltaf ad færa sig uppá skaftid, krúttulingurinn sem hann er

[Birna Dis Vilbertsdóttir (IP-tala skráð) 23.10.2008 kl. 10:16]

Flottur strákur sem á flotta fjölskyldu.Gangi ykkur vel áfram

[Anna Margrét Bragadóttir, 23.10.2008 kl. 10:17]

Litli stóri krúttlingurin þinn farin að gelgjast,enda í hvert skipti sem ég hitti hann núna sé ég þroskamerki á honum,gangi vel með reglurnar

Svo er það litli prinsinn minn ótrúlegur dúllumann,hvað er hægt að biðja um meira þegar við eigum svona krúttlinga,við erum ríkar systur

[Bergljót Hreinsdóttir, 23.10.2008 kl. 11:26]

Já, þau taka á þessi tímabil...en eftir á er svooo margt sem maður getur hlegið að og skemmt sér yfir...fullt af ótrúlega skondnum atvikum og fyndnum uppákomum...það er vont það er vont en það venst....

[Linda Linnet Hilmarsdóttir, 23.10.2008 kl. 11:45]

Sæl elsku Jóna mínþað vill svo til að ég var stödd í skalla á sama tíma og þúog ég brosti mínu breiðasta yfir að fá að sjá uppáhalds blog vinkonu mína og hennar yndislega, dásamlega, einstaka son sem ég elska en ég er svo hryllilega feiminn og óörugg að ég þorði ekki að koma til ykkar og heilsa uppá ykkuren kannski næstknús knús til litla vinar minns sem ég dái og hans einstöku flottu mömmu sem er bara frábær Mamma.

[Margrét L. Laxdal (IP-tala skráð) 23.10.2008 kl. 13:43]

Jóna ... nú verð ég að grandskoða heimilið mitt því þú HLÝTUR að vera einhvers staðar með falda myndavél ... hvernig í ósköpunum geturðu annars lýst heimilislífi MÍNU svona vel?!!   Hehehe... kannast við þetta ALLT - meira að segja fyrstu sundæfingar tilraunina!

Gangi þér vel í þínu lífi - sem er nákvæmlega eins og mitt ... mundu að þú átt samherja hinum megin á landinu

[Hrönn Sigurðardóttir, 23.10.2008 kl. 14:24]

Gelgjan klár!!

[Rut Sumarliðadóttir, 23.10.2008 kl. 14:49]

Jóna, þú ert frábær.

Einhverra hluta vegna datt mér í hug þegar dóttir mín fór á klósettið hjá ömmu og afa og rakst þar á tennurnar úr afa sínum í glasi á vaskinum. Hún kom til mín og sagði: "Mamma, tennurnar hans afa eru inni á baði en afi er í stofunni, hvernig getur hann það?"

Börn eru besta fólk.

[Jenný Anna Baldursdóttir, 23.10.2008 kl. 15:51]

Núnú, gaman að heyra af fjölskyldunni því sumir segja sumum ekkert í eigin persónu.

[Lísa Björk Ingólfsdóttir, 23.10.2008 kl. 16:35]

Það er alltaf svo gaman að lesa skrifin þín.  Frábærir tveggja- og tíu ára gaurar ha.  Þessi feis eru svo krúttuleg og erið bæði í senn.  Ég er að díla við tveggja ára feisið.  Þvílík ákveðni og útsjónarsemi í einu skotti.  Og ég- líkt og þú, alltof eftirlát.  Auðvitað til að fyrra sjálfa mig öskurköstum frá þeirri litlu - jú nó.

knús og kveðjur

[Ómar Ingi, 23.10.2008 kl. 17:59]

man eftir sundtímabilinu með minn littla , gaman og ekki svo mjög gaman en samt gaman þú skilur mig kannski

[Guðríður Pétursdóttir, 23.10.2008 kl. 21:29]

ég er akkúrat að díla við bæði 2 ára feis og 10 ára feis...

Það getur ekki verið auðvelt að vera til þegar maður er einhverfur.. mikið hlýtur lífið að vera flókið, ja nóg er það flókið fyrir mig

[Anna Lilja Torfadóttir (IP-tala skráð) 23.10.2008 kl. 23:38]

Dásamlegt

Ég fæ að upplifa 10 ára skemmtilegheitin 5 daga vikunnar!!  Er nefnilega að kenna 5. bekk!  Og það er eins gott að hafa húmorinn í lagi þegar börnin eru í ham.  Held stundum að ég sé að vinna í "kvart og kvein deildinni" nú eða að í bekkinn minn hafi safnast saman eintóm "fórnarlömb" sem ALDREI fá að gera það sem aðrir mega, nú eða þá að ÞEIM er kennt um ALLT

[Högni Jóhann Sigurjónsson, 25.10.2008 kl. 23:37]

Jú, hann fer að ná mér