Ömurleg og óréttlát móðir

 

Nú er fyrsta vika skólaársins að enda og allt búið að ganga eins og í sögu með Þann Einhverfa. Vikudagskráin fína sem ég set nú alltaf upp fyrir hann hangir á ísskápnum og er skoðuð daglega. Jafnvel tvisar til þrisvar sinnum á dag.

Þetta hefur verið einfalt plan alla vikuna, enda algjör óþarfi að vera að flækja málin eitthvað á meðan hann er að komast inn í skólarútínuna aftur.

• Rúta
• Skóli
• Vesturhlíð
• Rúta - heim 

Þegar hann kemur heim með rútunni /skólabílnum, byrjar hann á því að sækja sér penna og strikar svo vandlega kross yfir daginn í dag.

En í morgun vaknaði stráksi og var ákveðinn í því að hann ætlaði ekki í Vesturhlíð í dag. Þetta kom mér á óvart þar sem þetta hefur gengið svo vel alla vikuna og ég skildi ekkert í því hvað var skyndilega hlaupið í drenginn.

Hann náði í penna og vildi strika yfir Vesturhlíð á planinu sínu en ég bannaði honum það. Þá beygði hann af og tárin spýttust í allar áttir. Hann grét í fanginu á mér góða stund og við áttum í rökræðum sem hljómuðu einhvern veginn svona:

Sá Einhverfi: ekki Vesturhlíð

Ég: Jú Ian

Sá Einhverfi: Nei ekki Vesturhlíð buhuhuhu

Ég: Í dag er föstudagur og það er rúta, skóli, Vesturhlíð.....

Sá Einhverfi (grípur fram í á gólunum): nei ekki rúta ekki Vesturhlíð

Við komumst svo sem ekki að neinni sameiginlegri niðurstöðu við mæðginin, en það rann skyndilega upp fyrir mér ljós. Í fyrravetur áttum við aðeins pláss í Vesturhlíð 4 daga vikunnar vegna manneklu og það voru föstudagarnir sem duttu út.

Og þessi ömurlega mamma ætlaði barasta að breyta um stefnu þennan veturinn. Þvílíkt ranglæti í þessum heimi. Þvílíkar byrðar.

Það var brúnaþungur og ósáttur strákur sem skundaði út í rútu í rokinu í morgun. Hann skutlaði skólatöskunni af bakinu þegar inn í rútuna kom, og treysti á að bílstjórinn myndi grípa hana.

Ég sá, þar sem ég stóð fyrir utan, að svipurinn var þóttalegur er hann fékk sér sæti og spennti á sig beltið. Þrátt fyrir að mér finndist öll dramatíkin fyndin þráði ég að hann liti á mig í gegnum rúðuna. Gæfi mér eitt lítið vink eða örsmátt bros í kveðjuskyni. Eitthvað sem segði mér að hann myndi ganga glaður inn í Vesturhlíð í dag eins og alla hina dagana.

En hann sneri í mig baki og lét eins og hann ætti enga móður.  Allavega ekki almennilega.

En það er allt í lagi. Ég veit að hann mun elska mig í tætlur í kvöld þegar ég ber Dominos pizzu á borð fyrir hann.

 

Athugasemdir

[alva (IP-tala skráð) 29.8.2008 kl. 13:37]

æi, snúllinn litlialger dúlla - þú líka.

Góða helgi

[Hulla Dan, 29.8.2008 kl. 13:41]

Ohhh hann á eftir að fyrirgefa þér þegar hann fær pitsu. ummmm.

[Edda (IP-tala skráð) 29.8.2008 kl. 13:42]

  Þið eruð yndisleg bæði tvö

[Ragnheiður , 29.8.2008 kl. 13:44]

Já hann veit alveg að þetta var ekki svona síðasta vetur ...ljósið hann Ian.

[Sif (IP-tala skráð) 29.8.2008 kl. 13:52]

Já hann er klár hann Ian, og hvernig dirfistu að ætla að breyta skipulaginu !!!!

Kannski á ég eftir að þurfa að díla við svona í framtíðinni... núna er ég aðallega í því að leita að "leiðinlegum" teech spjöldum, t.d. bursta tennurnar og sofa spjöldin.  Þau eru nefnilega tekin reglulega, hent í ruslið eða falin :=) 

[Elín Sigríður Grétarsdóttir, 29.8.2008 kl. 14:21]

þetta er barnaverndarmál jóna gísladóttir, skammastín

[Róslín A. Valdemarsdóttir, 29.8.2008 kl. 14:29]

mmmmm! Má ég koma í mat???

[Elísabet Sigurðardóttir, 29.8.2008 kl. 14:33]

Hann er svo skynsamur og klár þessi dúlla .  Vona að þið eigið gott kvöld saman.

[Sólveig Kristín Gunnarsdóttir, 29.8.2008 kl. 14:51]

Ég mætti allt of seint med mína í skólann í dag og sú vildi bara ekki í leikfimi, endadi med ad gráta. Skildi hana óskøp vel, hún var ekki búin undir breytingar á skipulagi dagsins. Thegar ég sagdi hvernig vid myndum bæta úr thessu: ég fylgdi henni nidur í leikfimissalinn, taladi vid kennarann, segdi thetta og thetta, svo tæku hinar stelpurnar á móti eins og theim er von og vísa, og skapadi mynd á thetta, thá var hún til í ad koma med. En hún er heldur ekki einhverf. Nidri í búningsklefanum, eftir rabbid vid kennarann var hún farin ad brosa í gegnum tárin.

[Jóna Á. Gísladóttir, 29.8.2008 kl. 14:57]

Alva. Takk fyrir það. Ég var heldur betur ánægð með söguna þína inn í kommentakerfinu hjá Jens Guð. Hló mikið.

Hulla Dan. Ég held það nebblega.

Edda. Takk fyrir það

Ragga. Fíls-minni alveg hreint

Sif. hahaha Já alveg rétt TEACH spjöldin. Það er alveg frábært hvað þessi yndislegu börn okkar eru fljót að fatta myndirnar og gera þær að sínu máli. Ian setti stop merki á PECS myndirnar sem honum líkaði ekki.

Ella Sigga. Ég veit ég veit. Bíð eftir að þeir banki upp á

Róslín. Ekki í kvöld en alveg örugglega einhvern tíma seinna

Elísabet. Takk og sömuleiðis

Sólveig. Þau þurfa svo mikla reglu þessar elskur og ''eðlilegu'' börnin eru mjög misjafnlega mikið föst í dagskránni. Það var gott að hún jafnaði sig, litla dúllan þín.

[Jenný Anna Baldursdóttir, 29.8.2008 kl. 14:58]

Já þú ert leim móðir.

...og Dómínóspítsa í kvöldmat?  Sussusussu, nú þarf ég að taka í lurginn á yður.

[Hulda Bergrós Stefánsdóttir, 29.8.2008 kl. 14:59]

Það er merkilegt hvað ein Dominos pizza getur bjargað leiðinlegustu móður í heimi

[Jóna Á. Gísladóttir, 29.8.2008 kl. 14:59]

Jenfo. Mun seint teljast fyrirmyndarmóðir eða -húsmóðir

[Róslín A. Valdemarsdóttir, 29.8.2008 kl. 15:01]

Mig sem langaði svo í dómínós!
En ég skal samt þiggja það ef þú bíður mér einhvern tíma í mat!

[Jóna Á. Gísladóttir, 29.8.2008 kl. 15:04]

Hulda. Já finnst þér þetta ekki dásamlegt hvað lausnirnar eru stundum einfaldar

Róslín. Fáðu mömmu þína til að rífast við þig, farðu að gráta og gefðu svo sterklega í skyn að Dominos pizza myndi bjarga málunum.

[Sporðdrekinn, 29.8.2008 kl. 15:35]

Hér er einmitt svo til alltaf Dominos pizza á föstudögum. Ég sé það núna að með þessu er ég bara að reyna að breiða yfir öll leiðindi vikunnar. Þið vitið þessi þar sem að mamman vill ráða og svo leiðis bull.

[Ómar Ingi, 29.8.2008 kl. 15:45]

Ian er minn maður

[Jóna Á. Gísladóttir, 29.8.2008 kl. 15:56]

Sporðdrekinn. hahaha þetta er rétt hjá; Dominos-föstudagspizzurnar eru klárlega uppbót fyrir leiðindi vikunnar

Ommi. Ég veit.. ég veit

[Róslín A. Valdemarsdóttir, 29.8.2008 kl. 16:15]

Það virkaði stundum hér í den, ætli ég sé ekko orðin of gömul til að haga mér svoleiðis þó ég sé af og til stundum komin að þeim punkti!
Svo yrði það heldur dýr dominos pítsa, ef henni yrði keyrt hingað þ.e.a.s.
Annars fæ ég heimabakaða pítsu, ekkert jafnast á við svoleiðis

[Margrét Ingibjörg Lindquist, 29.8.2008 kl. 18:14]

Mikið finnst mér þetta nú samt einlæg og falleg frásögn á annas venjulegum degi... en mikið skil ég Ian... ég á bágt með breitingar og ég hef heyrt frá mínum sini síðustu viku ... já en í fyrra.... !!! Njótið pizzunar Dóminós klikkar ekki á svona stundum.. þeir hafa bjargað mér líka ...

[Vilma Kristín , 29.8.2008 kl. 18:29]

Mikið skil ég þig að horfa og bíða eftir smá merki að allt sé í góðu. Maður finnur til að skilja við börnin svona.... en aftur á móti - pizza bjargar alltaf málinu! Merkilegt hvað börnin geta orðið glöð þegar fyrirmyndarmæðurnar sleppa því að elda :)

[Linda litla, 29.8.2008 kl. 19:25]

Ég skil hann Ian alveg. Í hans rútínu var hann ekki í Vesturhlíð á föstudögum og þessi yndislegu börn verða að hafa rútínu. Gangi ykkur vel og verði ykkur að góðu á dominos pizzunni

[Birna Dis Vilbertsdóttir (IP-tala skráð) 29.8.2008 kl. 20:10]

Ian er snillingur

[Steingrímur Helgason, 29.8.2008 kl. 20:12]

Dómínóz ?

Ohh... girlí....

[Jóna Á. Gísladóttir, 29.8.2008 kl. 20:18]

Birna Dís. Ég veit

Steini minn. Ekki fyrir húsmóðurina ömurlega. Ó nei. Rizzo var það heillin.

[Díta (IP-tala skráð) 29.8.2008 kl. 21:20]

Hjúkk!  Eins gott að þú hættir við Dominós.......

[Bergljót Hreinsdóttir, 29.8.2008 kl. 21:21]

...pældu samt hvað við erum heppnar að geta alltaf reddað okkur í þessum harða heimi....verið leiðinlegar og tuðandi mömmur heilu og hálfu dagana en sláum svo í gegn með einni pizzu.....Dómínós eða Big Papas eða eitthvað....ekki flókið...

Það eru forréttindi...

Ian er alltaf minn maður...snillingur sem lumar á ýmsu....hann rokkar!!!

[Sesselja Fjóla Þorsteinsdóttir, 29.8.2008 kl. 22:01]

Já pítsur eru ekki alslæmar !

[Gudny grein .... (IP-tala skráð) 29.8.2008 kl. 23:24]

Áfram Ian!!!

Gott að hitta þig í dag, engar svona yfirlýsingar "ömurleg móðir"! Þú ert bara snilld!

Ég er rétt í þessu að fatta (af því ég er seingáfuð) að ég get skrifað komment án þess að vera bloggari :)

[Jóna Á. Gísladóttir, 29.8.2008 kl. 23:35]

Díta. Krakkarnir héldu sig glaðir við Dominos. Ég kýs frekar Rizzo pitsu

Bergljót. Við erum heppnar, ekki spurning

Fjóla. Sumar eru það

Guðný grein hvað. Auðvitað er ég snilld. Gaman að sjá þig í dag. Er búin að horfa á myndbandið og fallegra barn held ég að hafi ekki fæðst undir sólinni.

Get ég núna átt von á kommentum frá þér í lange baner

[Lísa Björk Ingólfsdóttir, 30.8.2008 kl. 01:18]

Ég er alfarið á því að útivinnandi húsmæður eigi ekki að elda á föstudögum eftir langa vinnuviku heldur leyfa sér að pústa.  Pizzur eru líka í uppáhaldi hér á bæ - meira að segja litla skottið skríkir af kátínu þegar hún sér pizzukassa (frá Dómínós).  Annars var ég að horfa á Biggest looser svona með öðru auganu í kvöld - maður fékk svona smá samviskubit.  Ætli maður þurfi ekki að fara að panta grænmetispizzur...........

[Jens Guð, 30.8.2008 kl. 01:52]

  Ég átta mig ekki alveg á því hvað það nákvæmlega er við þessar örsögur af samskiptunum við Þann einhverfa sem snerta mann á einhvern hátt mjög sterkt.  Það er eitthvað í framsetningunni á frásögninni.  Ég ætla ekki að reyna að kryfja það til mergjar en bíð ennþá spenntur eftir bókinni.

[Ásdís Sigurðardóttir, 30.8.2008 kl. 02:02]

Þínar færslur snerta sérstaka strengi í hjarta mínu, mér líður vel að lesa um ykkur og dáist í hjarta mínu að þrautsegju þinni.  Knúsa þig í klessu næst þegar við hittumst.

[Eggert Vébjörnsson (IP-tala skráð) 30.8.2008 kl. 04:21]

Er 'etta dramatík í iherslufærslur.

ég veit ekki en vil þó ekki vera dónalegur

finnst þessi einhverfi vera orðinn háhersla fyrir 

einhverju

[Sigríður Þórarinsdóttir, 30.8.2008 kl. 06:00]

Krúttilegt   , þú snjöll að fatta þetta með föstudagana síðan í fyrra.  Þekki einn einhverfan sem elskar Dominos pizzur, hann fær jólakort frá þeim á hverju ári.

[Tína, 30.8.2008 kl. 07:39]

Þú ert frábær móðir Jóna mín og átt yndislega fjölskyldu.

Eigðu ljúfa helgi framundan.

[Loopman, 30.8.2008 kl. 09:04]

Þessi færsla fékk mig til að gráta í heilar 83 mínútur....ég er svo snortinn að ég ...ég ... ég... (snökt) get ekki orða bundist lengur....óóó... mig auman, þvílíkt og annað eins. Ég sit hér tárvotur og er að reyna að finna Hollywood mynd sem fékk mig til að klökkna eins og þessi saga.... en það gengur ekki. Þetta er ekki bara krúttlegt þetta er mannskemmand að lesa svona texta snemma á laugardagsmorgni án þess að vita innihaldið. Það þarf að vara mann við svona krúttlegheitum,,,,og svo langar mig í pizzu líka...

ps... ég sé að "já hjörðin" er mætt eins og venjulega. Og Jens Guð, ofurpönkari er orðinn já maður svona í ellinni... úff maður... ekki gott

[Erna, 30.8.2008 kl. 11:21]

Hvað gerðu mömmurnar hér áður fyrr, þegar pizzur voru óþekktar???  Góða helgi Jóna mín

[Jóhanna Magnúsar- og Völudóttir , 30.8.2008 kl. 11:47]

Þessi færsla er í boði Domino´s og Rizzo´s  ...slurp, mig langar pizzu þegar ég les þetta.

Þú stendur þig frábærlega í mömmuhlutverkinu, vonandi vel í afmælisátakinu líka ???? ... hef ekkert heyrt af því nýlega... (ein með áróður)

[Jóna Á. Gísladóttir, 30.8.2008 kl. 15:44]

Takk öll fyrir komment.

Jens. Ég vissi að þú værir mjúkur fyrir innan harða skelina

Jóhanna. það verður að segjast eins og er að það er fyrst núna sem þetta er að byrja að ganga. Segi meira frá því seinna.

Eggert. Ég er alveg viss um að þú ert ekkert dónalegur. Ég skil þig samt ekki.

Loopman. Gaman að sjá þig aftur. Ég var búin að gleyma þér. Vona að þú sért búin að jafna þig eftir morgunlesninguna.

[Guðríður Pétursdóttir, 2.9.2008 kl. 13:20]

Ég er meira Hróa hattar manneskja.. en pítsa er pítsa og gerir mann að ofur foreldri þó svo maður hafi ekki komið nálægt gerð pítsunnar...

vonandi gengur þetta nú betur næsta föstudag