Ekki er ég faðir neins af drengjunum

og ekki heldur móðir. En ég finn nú samt sem áður til samkenndar með pabba hans Róberts okkar Gunnarssonar. Undanfarna daga hef ég öðru hverju orðið fyrir því að fyrirvaralaust vöknar mér um augu eða fæ kökk í hálsinn.

Einfaldir hlutir eins og íslenski fáninn, umræða í útvarpinu um samkennd þjóðarinnar í kringum þennan sigur í Kínalandinu, Dorrit að klofa yfir sætisbök í almenningsfarartæki í sama landi, Óli Raggi klappandi í mynd...

Sem sagt afskaplega lítið hefur þurft til að ég finni hjartað þrútna í brjóstinu á mér af ættjarðarást og stolti yfir að vera Íslendingur.

Hvað er í gangi? segi ég nú bara. Er ellin að færast yfir mig.

En ég segi það satt að í fyrsta skipti á ævinni hef ég þokast millimetra í áttina að því að skilja fólk sem flykkist í herinn í sínu landi á stríðstímum. Eða heiftina í baráttunni um landamæri. Hvernig myndi okkur líða ef hér birtist skyndilega erlendur her og svipti okkur réttindum í okkar eigin landi?  Ef þannig ástand myndi skapast hér, að við sæum okkur ekki annað fært en að flýja land?

Ég get ekki hugsað það til enda.

Ég er Íslendingur og er meira en lítið stolt að því. En ég ætla að herða mig upp. Fólk getur farið að fá einhverjar hugmyndir um drykkjuvenjur mínar ef ég held áfram að vera glaseygð með brostna rödd.

 

Með stöðugan kökk í hálsinum

Athugasemdir

[Ómar Ingi, 27.8.2008 kl. 21:40]

I Feel U

Áfram Ísland

[Hulda Bergrós Stefánsdóttir, 27.8.2008 kl. 21:47]

dido

[Huld S. Ringsted, 27.8.2008 kl. 21:48]

[Elín Sigríður Grétarsdóttir, 27.8.2008 kl. 21:50]

af einhverjum ástæðum fer ég að hágráta þegar menntamálaráðherran tjáir sig og svo þegar landsliðsþjálfarinn segir eitthvað ... er ennþá tiltölulega kúl á því þegar bæklunarlæknirinn tekur bylgjuna ...

[Elísabet Sigurðardóttir, 27.8.2008 kl. 21:53]

Ég á bara bágt .

Ísland best í heimi

[Jóna Á. Gísladóttir, 27.8.2008 kl. 21:55]

thanks guys **grátkarl**

Ella Sigga. Ég verð að viðurkenna að ég vissi ekki af þessari húmorshlið á þér hahaha

[Jóna Á. Gísladóttir, 27.8.2008 kl. 21:55]

Elísabet. Velkomin í hópinn

[Róslín A. Valdemarsdóttir, 27.8.2008 kl. 21:57]

Hahaha, mér finnst Dorrit æðisleg forsetafrú!

En Jóna mín, hefurðu nokkuð hitt móður mína?..... Það væri líklega sniðugt!

[Vilma Kristín , 27.8.2008 kl. 21:57]

Strákarnir eru bara æði, ekkert annað! Og ég er svo stolt af að vera íslendingur og það er svo gaman hvað allir eru samstíga og stoltir. Og er ekki frábært hvað Dorrit er ánægð og ófeimin að sýna stoltið og gleðina?

[Elín Sigríður Grétarsdóttir, 27.8.2008 kl. 22:06]

Jóna ... ég var fyndna feita stelpan manstu

[Elín Sigríður Grétarsdóttir, 27.8.2008 kl. 22:06]

já og afsakið, en HVAR VAR DORRIT Í KVÖLD ???

[Jóna Á. Gísladóttir, 27.8.2008 kl. 22:17]

Róslín. Nei, hef ekki hitt mömmu þína svo ég viti. Afhverju heldurðu að það yrði sniðugt? heldurðu að við myndum gráta í kór?

Vilma. Dorrit fær mig til að hlæja og það er einn af mínum uppáhaldseiginleikum hjá fólki. Finnst hún skemmtilegur karakter.

Ella Sigga. já auðvitað. Ég er það núna nebblega hehe. Dorrit hefur örugglega verið bissí við að pússa orðurnar í stofunni á Bessastöðum.

[Ásdís Sigurðardóttir, 27.8.2008 kl. 22:24]

Ég er svo heppin að tveir af þessum fyrirmyndardrengjum voru bekkjabræður sonar míns, Logi og Ásgeir, fyrirmyndar piltar í alla staði. ÉG var í foreldraráði með foreldrum þeirra og fylgdist með uppvexti þeirra frá 6 ára aldri, Logi var alltaf sá innilegi og skemmtilegi í barnaafmælum, spjallaði jafn mikið við foreldrana eins og afmælisgesti.  Ég er ógisslega stolt af þeim og fékk gæsahúð og tár, ekki spurnint. 

[alva (IP-tala skráð) 27.8.2008 kl. 22:28]

oh, þetta var æði!! Já, hvar var Dorrit, saknaði hennar, vonaðist eftir einhverri ógleymanlegri setningu frá henni.

[Róslín A. Valdemarsdóttir, 27.8.2008 kl. 22:31]

Þið yrðuð örugglega magnaðar saman!

,, O, ég fæ gæsahúð þegar er talað um þetta "

Ég var næstum búin að ropa því drusla því útúr mér að ég væri yfir mig södd af þessu, og væri við það að æla í þessu hjali í henni..... og reyndar þjóðinni líka, þoooli ekki hvað er minnt mann oft á þetta... ég hef ekki lifað einn dag frá atburðinum án þess að heyra þetta a.m.k. 7 sinnum nefnt.... þjóðarrembingur!

[Edda (IP-tala skráð) 27.8.2008 kl. 22:38]

Jóna mín, ef ellikerling er að færast yfir þig... þá enn frekar mig - ég fékk margsinnis gæsahúð yfir þessari útsendingu og það féllu líka tár á hvarma einu sinni eða tvisvar!!  Þetta var bara ótrúlega flott   Ég er svo stolt yfir strákunum okkar - og enn stoltari yfir að vera íslendingur

[Jenný Anna Baldursdóttir, 27.8.2008 kl. 22:39]

Þeir eru dúllur, mig langar samt ekkert að vera foreldri þeirra, en dúllur samt.  Á svo mikið af börnum sko.

Úff, ég skil þig alveg upp að vissu marki.

[Eva Benjamínsdóttir, 27.8.2008 kl. 22:47]

Ég er svo ánægð með tæknina, flugvélarnar, myndatökurnar, brunaliðsbílana og samstöðuna í landanum þegar við tökum okkur til. Dásamlegt að sjá alla þessa pabba með litlu börnin sín. Já góðir, strákarnir okkar

[E.R Gunnlaugs, 27.8.2008 kl. 22:51]

ég er ekki frá því að ég hafi fengið kökk í hálsin í dag...

[Högni Jóhann Sigurjónsson, 27.8.2008 kl. 23:10]

Ég er sama sinnis og njótum bara.

[Sigrún Jónsdóttir, 27.8.2008 kl. 23:41]

Ég er stolt af strákunum okkar

[Sesselja Fjóla Þorsteinsdóttir, 27.8.2008 kl. 23:42]

Þú er æði Jóna, ég er æði, Gunna á móti er æði....öll erum við æði sem fellum tár við fánanum okkar, þeim sem minna mega sín, sigra stórt, eiga enga peninga, eiga mikla peninga, eiga góða heilsu, eiga dapra heilsu.........................

[Anna Margrét Bragadóttir, 27.8.2008 kl. 23:53]

Mér fannst þeir svo flottir þegar þeir tóku við Riddarakrossinum,ég var líka ótrúlega stolt fyrir þeirra hönd.

'Eg var næstum farin að væla þegar þeir fóru á verðlaunapallin

Bara flottir strákar

[Guðríður Pétursdóttir, 28.8.2008 kl. 00:16]

nobody will be unbeated bishop

[Rúna Guðfinnsdóttir, 28.8.2008 kl. 00:31]

Frááábær dagur hjá Íslendingum. Ég held að varla sé til svo kalt hjarta að hrífast ekki með.

Ég saknaði þess að hafa ekki stuðboltann Dorrit með. Vonandi hefur hún ekki móðgast yfir öllu þusinu um óvirðulegheitin.  Mér finnst það hrein og bein tímaskekkja að vera með tipl og prjá í kringum Forsetaembættið. Af hverju mega þau ekki sýna hrifningu eins og við hin??

Og varðandi grát...þá hágrét ég yfir Mamma Mia! Hversu vælin er ég?  (Græt líka ef ég hlusta á diskinn, sérstaklega yfir The Winner Takes it All)

[Gulli litli, 28.8.2008 kl. 01:28]

Ísland er landid..........en handbolti...

[Jóna Kolbrún Garðarsdóttir, 28.8.2008 kl. 02:12]

Það hefur verið frábært að finna þessa samkennd sem hefur verið allsráðandi hérna á Íslandi undanfarnar vikur, ég man ekki eftir öðru eins.  Ég hef klökknað nokkrum sinnum, af stolti yfir því að vera íslendingur.  Svo var Guðjón Valur í bekk með elstu dóttur minni og bar út moggann til mín í mörg ár, hann er frábær maður. 

[Gunna-Polly, 28.8.2008 kl. 07:39]

held áfram að stela frösum, eða eins og Óli Stef segir „Það er ótrúleg gjöf að vera Íslendingur,"

//

[Tína, 28.8.2008 kl. 08:13]

Þeir eru æðislegir og það ert þú líka. Ekki annað hægt en vökna aðeins um augun við þetta allt saman.

Knús inn í daginn þinn skemmtilega kona.

[Fríða brussubína (IP-tala skráð) 28.8.2008 kl. 08:55]

Ég vældi og skældi yfir sjónvarpinu í gær og saknaði Dorrit ótrúlega mikið við orðuafhendinguna. Hún hefði nú getað tekið fyrir okkur eitt húrra eða eitthvað dúllan sú. Ég kís hana til forseta næst, ekki spurning, hryllilega mannleg eins og við hin..... love and kisses  Lasarus

[M, 28.8.2008 kl. 10:28]

Tek undir þetta. Búin að vera ósköp meir en glöð síðustu daga. 

But back to normal

[Guðrún Jóhannesdóttir, 28.8.2008 kl. 12:54]

Satt hjá Dorrit, Ísland er stórasta land í heimi og jafnframt það minnsta, við erum öll þátttakendur þegar mikið er að gerast, við grétum af gleði og stolti yfir handboltaköppunum okkar þegar þeir fengu silfrið og við heimkomuathöfn, en í dag grátum við merkan mann sem er látinn, hann Sigurbjörn okkar Einarsson biskup.

Knús í bæinn

Já, ég segi nú eins og Fríða brussubína, draumaforsetinn minn er DORRIT

[Hrafnhildur Björk Jónsdóttir, 28.8.2008 kl. 14:39]

Heyr heyr, bara æðislegt að vera íslendingur

[Erna, 28.8.2008 kl. 16:03]

Það er nú meira táraflóðið í kringum strákana okkar, ég lagði nú mitt af mörkum í það flóð, og er bólgin af stolti af þeim

[Guðríður Haraldsdóttir, 28.8.2008 kl. 16:55]

Svo heldur fólk að það sé rigning úti þegar það sér blautar gangstéttar ... þetta eru auðvitað bara gleðitár yfir strákunum okkar.

[Jóhanna Magnúsar- og Völudóttir , 29.8.2008 kl. 21:26]

Ég er sko ekki heldur faðir neins strákanna, en maðurinn minn er stoltur stjúp-og uppeldisfaðir Óla Stef, og ég er stolt af honum þar sem hann er ,,pabbinn" í lífi Óla   og hefur örugglega haft góð áhrif í hans uppeldi. Við vældum hér í kór þegar silfrið var hengt um háls strákanna, stundin var tilfinningaþrungin.