Haust? - Anna frænka - samskiptabók Þess Einhverfa

 

Hvað á þetta að þýða?

Það er kveikt hérna á öllum lömpum, heitur tebolli við hliðina á mér og kertaljósin á sínum stað. Já ég hef það virkilega huggulegt, ein með sjálfri mér. En það er einhver tímaskekkja í þessu öllu saman. Og júlímánuður er ekki liðinn en það er kolniðamyrkur úti og vindurinn hamast og derrir sig fyrir utan gluggana.

Við Bretinn vorum að skipuleggja restina af sumarfríinu okkar í kvöld. Einhvern veginn líður mér frekar eins og ég ætti að vera að pakka inn jólagjöfum.

------

Anna frænka hin síunga á afmæli á morgun (eða reyndar í dag þar sem komið er fram yfir miðnætti þegar þetta er skrifað)

 TIL HAMINGJU MEÐ AFMÆLIÐ ANNA FRÆNKA.

Eins gott fyrir þig að draumatertan bíði mín eftir vinnu

--------------------------------------------------

Þegar Sá Einhverfi kemur heim úr Vesturhlíð á daginn, er ég alltaf jafn spennt að lesa samskiptabókina. þau gera svo margt skemmtilegt og stundum fylgja myndir með. Starfsfólkið er einstaklega duglegt við að segja frá og myndirnar eru rúsínan í pylsuendanum. Og af þessum myndum má svo greinilega sjá að stráksi tekur þátt af heilum hug og er mun aktívari með Vesturhlíðarhópnum en okkur hér. Enda er hann væntanlega uppgefin þegar heim kemur eftir dagleg ævintýri.

Núna er ég að skoða myndir frá síðustu viku.

• Sá Einhverfi í klifurhúsinu með hjálm á hausnum og alles.
• Sá einhverfi skellihlæjandi niðri við tjörn. Örugglega verið að skammast svolítið í álftunum fyrir yfirgang við endurnar.
• Sá Einhverfi ljómandi af kátínu í sundi
• Sá Einhverfi á Náttúrugripasafninu. Mjög svo gáfulegur á svip með heyrnartól á höfðinu að hlusta á eitthvað fræðandi. 

Stundum gefst starfsfólkinu ekki mikill tími til að skrifa ritgerðir í samskiptabækurnar og þá koma svona stuttir gullmolar eins og í dag sem ylja mér um hjartarætur:

eftir hádegi:

Ian var herramaður eins og alltaf. Takk fyrir. Palli.

 

Athugasemdir

[Ragnheiður , 24.7.2008 kl. 01:02]

Það þarf ekki ritgerð, mamman hans skilur

[Ása Ninna Katrínardóttir (IP-tala skráð) 24.7.2008 kl. 01:09]

Ég var einmitt að hugsa þetta áðan, sit hálfdúðuð uppí sófa og myrkur úti, er ekki bara júlí? Birr...

[Hólmdís Hjartardóttir, 24.7.2008 kl. 01:27]

finnst líka að það sé komið haust

[Sesselja Fjóla Þorsteinsdóttir, 24.7.2008 kl. 02:49]

Mamman skilur þetta flest.....komin er nótt en frí og fólk til staðar.  Áfram við.

[Elísabet Sóley Stefánsdóttir, 24.7.2008 kl. 03:11]

 sniðugt að nota svona bók, búið að tala um að byrja með þetta lengi fyrir Rebekku en lítið komið í verk :-)

[Ásdís Sigurðardóttir, 24.7.2008 kl. 06:39]

Húsbandið kom einmitt labbandi innan úr herbergi seint í gærkvöldi og sagði "hvað kom fyrir sumarið, það er orðið dimmt" ég náttl. alveg saklaus og hélt að ég hefði ekkert gert af mér, kveikti fullt af ljósum   alltaf yndislegur hann Ian þinn. Kveðja inn í helgina og njóttu vel.

[Bergljót Hreinsdóttir, 24.7.2008 kl. 07:38]

Já...það er eitthvað að breytast hérna á norðurhjara....

[Birna Dis Vilbertsdóttir (IP-tala skráð) 24.7.2008 kl. 08:31]

Ian er bara flottur.Já hvert fór sumarið?

[Hrönn Sigurðardóttir, 24.7.2008 kl. 08:46]

Stelpur mínar! Það byrjaði að rigna 13. júlí. Sem er upphaf hundadaga. Hundadagar eru fjörtíu og í gamla daga hafði fólk þá trú að veðrið í þessa fjörtíu daga væri eins..... Þannig að ég spái því að það verði svona til 23. ágúst!

Kveðja úr sveitinni

[Jóhanna Magnúsar- og Völudóttir , 24.7.2008 kl. 09:21]

Fimmáringurinn á heimilinu spurði um miðjan dag í gær: "Er komin nótt" ?...

Frábært hvað gengur vel með Ian, a.m.k. hvernig þú lýsir honum virkar eins og hann sé kátur með lífið.

[Ómar Ingi, 24.7.2008 kl. 09:36]

Herramaður it is 

[Jenný Anna Baldursdóttir, 24.7.2008 kl. 09:49]

Til hamingju með nöfnu mína.

Og Ian er auðvitað af háum ættum í föðurætt.

Lágstéttin blívar í móður.

[Anna Frænka (IP-tala skráð) 24.7.2008 kl. 10:09]

.....kakan bíður þín Jóna mín.....

[E.R Gunnlaugs, 24.7.2008 kl. 10:35]

Sumarið er í strassbourg... nema þar eru alltaf allir veitingastaðir lokaðir á kvöldin og bakaríið bara opið til hádegis. En það er 27 stiga hiti þar...

Gaman af svona samskipta bókum, og frábært að Ian sé að svona ánægður í Vesturhlíð!

[Helga Magnúsdóttir, 24.7.2008 kl. 12:14]

Frábært að fá svona umsagnir með stráknum. Þegar minn hætti í Steinahlíð fylgdi honum bók með myndum og frásögnum sem fóstrurnar höfðu tekið saman smátt og smátt frá því hann byrjaði og þar til hann hætti. Algjörlega ómetanlegt.

[Jóhanna Magnúsar- og Völudóttir , 24.7.2008 kl. 13:56]

Mundi eftir ,,lógóinu" þínu þegar ég var að hlusta á þetta ABBA lag..

I have a dream, a song to sing
To help me cope with anything
If you see the wonder of a fairy tale
You can take the future even if you fail
I believe in angels
Something good in everything I see
I believe in angels
When I know the time is right for me
I'll cross the stream - I have a dream

... finnst þetta passa vel við þig!

[Linda Linnet Hilmarsdóttir, 24.7.2008 kl. 17:37]

Knús og bestu kveðjur til þín frá mér

[Edda Agnarsdóttir, 24.7.2008 kl. 21:03]

Fékkstu rjómatertu? Ég er sjúk í þær.

Annars þetta með samskiptabókina, það er gaman að fá eitthvað fágætt og jákvætt í hana.

Þær eru nefnilega ekki oft þannig í grunnskólunum heldur meira athugasemdir um það sem betur má fara og eins upptalning á því sem fram fer.

Knús á þig eðalvúman!

[Guðríður Pétursdóttir, 24.7.2008 kl. 22:31]

Mér finnst þessi samskipta bók alveg æðisleg,liggur við að ætti að vera svona samskiptabók hjá öllum krökkum sem eru í leikskóla og í fyrstubekkjunum..eða það væri allavega skemmtilegt meina ég frekar.. þó svo ég átti mig á að það er ekki möguleiki

Ég ,mikla jólabarnið, er ekki tilbúin að fá jólin strax.. ég þigg sumartímann aðeins lengur.. í fyrra keypti ég fyrstu jólagjöfina í lok ágúst..