Komin heim

 

Ég er komin heim. Eftir langa og stranga daga á sjávarútvegssýningu í Brussel. En skemmtilegir voru þessir fjórir dagar.  Það er að segja kvöldin. Hvernig getur annað en verið skemmtilegt að sitja undir berum himni á hverju einasta kvöldi í skemmtilegum félagsskap, borða góðan mat (oftast), drekka (ótæpilega) mikið af rauðvíni og hlæja þar til manni verkjar í magann?

Það er reyndar ekki rétt að það hafi bara verið skemmtilegt á kvöldin.  Það myndast smávegis kunningsskapur á milli sýnenda svo rölt var á milli sýningarbása og spjallað. Ég hef eytt töluverðum tíma með frönskumælandi fólki og er orðin mjög frönsk. Eða þannig. Er alveg að ná handahreyfingunum. Talið kemur einhvern tíma seinna. Kannski.....  Bonsjour...

Ég hef ekki haft tíma til að blogga eða yfirfara tölvupóst: Vaknað um klukkan átta á morgnana. Sýningin opnar kl. 10 og er opin til 18. Þá upp á hótel í sturtu og yfirhalningu (sem tók sífellt lengri tíma eftir því sem leið á vikuna), og svo út í matarborð, að hitta kúnna o.sfrv. Auðvitað hangir fólk mislengi uppi á kvöldin en þetta hefst allt einhvern veginn.

Svo kostar það heila helvítis formúgu að tengjast interneti á hótelum. Barasta gat ekki réttlætt þann kostnað.

Þessi sjávarútvegssýning er árlegur viðburður . All about buisness. Á sýningartíma á daginn, en ekki síður á kvöldin. Á kvöldin safnast sýningargestir saman á Grand Place torgi í Brussel og maður gæti alveg eins verið staddur á Lækjartorgi á íslensku sumarkvöldi. Torgið er gjörsamlega mökkað af Íslendingum og halda þeir sig aðallega við einn pöbb. Á næsta pöbb eru Norðmenn. Þetta er auðvitað bara fyndið. Svolítið súrrealískt. Sjávarútvegsráðherra mætti eitt kvöldið og hélt uppi fjöldasöng. Stóð sig vel.

Brussels Town Hall (þessi stórfenglega bygging gnæfir yfir torgið)

Og haldið ykkur núna: Ég fór ekki í eina einustu búð. Núll, nix, zero, nét... Kom samt heim færandi hendi. Hljóp um á Heathrow og bjargaði andlitinu. Bretinn fékk sælgæti í tonnavís og krakkarnir DVD myndir.

Núna liggur Sá Einhverfi eins og skata fyrir framan sjónvarpið og horfir á sína mynd. Sem auðvitað er Toy Story. En eitthvað hefur hann smitast af mömmslunni sinni því hann þverneitar að velja annað tal á hana en frönsku.

GLEÐILEGT SUMAR BÖRNIN GÓÐ. Megi þetta sumar verða eins magnað veðurfarslega séð, og það síðasta.

 

 

Athugasemdir

[Anna Lilja Torfadóttir (IP-tala skráð) 25.4.2008 kl. 19:05]

Velkomin heim og gleðilegt sumar.

Kv. Anna Lilja

[Einar Vignir Einarsson, 25.4.2008 kl. 19:09]

Sammála þér Jenný.  Ég var þarna líka stórgóð sýning skemmtilegt fólk,flott veður,  heldur heitt í höllinni.

[Sigrún Friðriksdóttir, 25.4.2008 kl. 19:09]

Velkomin heim, já það er huggulegt að sitja úti og sötra eitthvað gott úr glasi á kvöldin. Gott hjá þér að sleppa búðarrápi, það er alltaf hægt að versla Spennandi að heyra af Þeim Einhverfa þegar hann fer að þræta við þig á frönsku. Bíddu bara það gæti sko alveg komið einhver frasi út úr þessu

Knús og klemmur frá Norge. 

[Þórdís Guðmundsdóttir, 25.4.2008 kl. 19:09]

Gleðilegt sumar!  Ég var líka á faraldsfæti og kom heim í nótt.  Var á húsgagnasýningu í Mílanó að taka inn strauma og stefnur.  Verð að viðurkenna að ég er alveg uppgefin eftir allt hafaríið.  Kveðja, Þórdís.

[Ómar Ingi, 25.4.2008 kl. 19:23]

Velkomin heim , gleðilegt sumar og sástu nú marga fiska ?

[Huld S. Ringsted, 25.4.2008 kl. 19:27]

Velkomin heim Jóna og gleðilegt sumar.

[Helga skjol, 25.4.2008 kl. 19:28]

Gleðilegt sumar á þig og þína

[Sunna Dóra Möller, 25.4.2008 kl. 19:31]

Velkomin heim og gleðilegt sumar :-)!

[Gunna-Polly, 25.4.2008 kl. 19:33]

Velkomin heim og gleðilegt sumar

[Hanna, 25.4.2008 kl. 19:33]

Velkomin heim - Gleðilegt sumar - gott að fá þig aftur hingað :)

[Anna Margrét Bragadóttir, 25.4.2008 kl. 20:12]

Velkomin heim ég saknaði þín ;)

Gleðilegt sumar og takk fyrir veturin

Knús á alla fjölskylduna

[Jenný Anna Baldursdóttir, 25.4.2008 kl. 20:15]

Velkomin heim krútta mín.  Saknaði þín sárt.  Gelðilegt sumar og takk fyrir allt þetta gamla.

[Ásdís Sigurðardóttir, 25.4.2008 kl. 20:20]

Velkomin heim og gaman að allt skildi ganga svona vel og að þú skemmtir þér vel, alveg æðislegt að fá nokkurra daga "frí"  svona til að breyta út af vananum.  Eigðu ljúft sumar og takk fyrir frábæran bloggvetur snillan mín, tökum snúning    

[Guðríður Pétursdóttir, 25.4.2008 kl. 20:57]

Velkomin heim og gleðilegt sumar...

það verður gaman að sjá á næstu dögum færslurnar þínar þar sem sá einhverfi verður farinn að quota á frönsku..

gott að þú fékkst þó allavega toystory.. hann hefur verið himinlifandi mað það

Þetta er svolítið skondið með pöbbana, en það meikar alveg sens samt þannig, líkir sækja líkan heim eða eitthvað þannig...

[Sigrún Jónsdóttir, 25.4.2008 kl. 23:27]

Velkomin heim Jóna og gleðilegt og gott sumar.

[Róslín A. Valdemarsdóttir, 25.4.2008 kl. 23:43]

Hæ Jóna, velkomin heim
Úff, ég hef liggur við saknað þess að geta kommentað hjá þér, en mér finnst gott að þú sért komin heim, hlakka til að lesa næstu færslur frá þér

[Sólveig M. Magnúsdóttir (IP-tala skráð) 26.4.2008 kl. 00:26]

   Gleðilegt sumar, Jóna og velkomin heim.  Þín hefur verið saknað á þessu heimili.  Dagbókarfærslur þínar hafa opnað mér og mínum nýja sýn á raunveruleika sem okkur var hulinn.  You go girl.  Ég meina láttu ekki deigan síga þú ert yndislegur penni og ég bíð spennt eftir hverri færslu.

[Svava frá Strandbergi , 26.4.2008 kl. 00:42]

Gleðilegt sumar og takk fyrir bloggvináttuna í vetur.

[Halla Rut , 26.4.2008 kl. 01:32]

Velkomin heim og gleðilegt sumar.

[Svanhildur Karlsdóttir, 26.4.2008 kl. 02:21]

Velkomin heim og gleðilegt sumar

[Jóna Kolbrún Garðarsdóttir, 26.4.2008 kl. 02:37]

Velkomin heim og gleðilegt sumar

[Inga Dóra, 26.4.2008 kl. 02:49]

gleðilegt sumar og velkomin heim

[Birna Dis Vilbertsdóttir (IP-tala skráð) 26.4.2008 kl. 11:12]

Gleðilegt sumar og velkomin heim skvísa

[M, 26.4.2008 kl. 12:04]

Gleðilegt sumar.

[Kristín Katla Árnadóttir, 26.4.2008 kl. 13:37]

Velkomin heim og gleðilegt sumar.

[Högni Jóhann Sigurjónsson, 26.4.2008 kl. 21:39]

Gleðilegt sumar

[Kjartan Pálmarsson, 26.4.2008 kl. 21:48]

Velkomin heim! Og Gleðilegt Sumar! Við létum okkur ekkert leiðast á meðan þú varst úti ,,ekkert blogg frá þér'' Við tókum þetta allt með trukki og eggja ídýfu á meðan. Já já það var gaman bara.

[Bergdís Rósantsdóttir, 26.4.2008 kl. 22:32]

Velkomin heim og gleðilegt sumar.  Við fjölskyldan komum heim úr okkar utanlandsferð 23.

[Eyrún Gísladóttir, 26.4.2008 kl. 22:35]

Velkomin heim úr skemtilegri ferð og gleðilegt sumar

[Heiða Þórðar, 27.4.2008 kl. 00:32]

Velkomin heim og gleðilegt sumar

[Sigríður B Sigurðardóttir, 27.4.2008 kl. 01:03]

Gott að fá þig aftur heim  Minn maður var eitthvað að tala um að þú hefðir farið til útlanda án þess að kveðja hann Einn sem þykir vænt um nágranna sína

[Lilja Guðrún Þorvaldsdóttir, 27.4.2008 kl. 01:53]

Vertu velkomin heim Jóna! - Gleðilegt sumar og kærar þakkir fyrir ómetanlega bloggvináttu, og  fræðandi, gefandi og skemmtilega pistla í vetur.

[Marta B Helgadóttir, 27.4.2008 kl. 10:41]

Velkomin heim og gleðilegt sumar

[Þorsteinn Gunnarsson, 29.4.2008 kl. 00:15]

Velkomin úr sollinum og tollinum. Sá Einhverfi er allavega með pottþéttan kvikmyndasmekk. Toy Story er klassastykki! Sju tema alveg þá ræmu

Kv. Steini