Símtal frá fortíðinni

 

Í gærkvöldi fékk ég símtal frá fortíðinni.

Eldri maður með hlýja og örlítið hrjúfa rödd tjáði mér að ég væri honum ofarlega í huga þessa dagana. Og hann sagði mér sögu.

Hún bankaði upp á í Litla húsinu. Amman. Hún átti mikilvægt erindi við fjölskylduna sem þar bjó. Vildi biðja þau að taka ókunnugu barni opnum örmum. Vera góð við það. Barnabarnið hennar.

Fjölskyldan í Litla húsinu var kannski örlítið undrandi á bóninni, en tóku henni vel. Skildu að amman hefði áhyggjur af því að litla sonardóttir hennar yrði einmana hjá gömlu hjónunum. Ömmu og afa. Það var ómögulegt að segja hvernig henni tækist að afla sér vina á nýjum stað. Enda bara fimm ára gömul og systkini hennar  og foreldrar víðsfjarri.

Stúlkan vandi komur sínar í Litla húsið. Hún var ósköp smá og umkomulaus þessi telpuhnoðri. Kannski líka örlítið feimin. Fylgdist í fyrstu með mannmörgu fjölskyldunni í Litla húsinu úr hæfilegri fjarlægð. Þau vildu vera góð við hana en hún hleypti engum að sér. Ekki enn.

Í Litla húsinu bjuggu mamma og pabbi ásamt 3 börnum. Tveimur telpum og einum dreng. Seinna bættist í barnahópinn. Fljótlega vingaðist litla stúlkan við börnin í Litla húsinu og varð æ tíðari gestur á heimili þeirra. Ekki var verra að garðar þeirra lágu saman og fljótlegt var að hlaupa á milli húsa. Smokra sér í gegnum gat á grindverkinu.

Þegar frá liðu stundir, viðraði litla stúlkan þá ósk við ömmu sína að fá að flytja í Litla húsið. Svo vel undi hún hag sínum þar innan um öll börnin.  Hún saknaði systkina sinna. Börnin í Litla húsinu bættu þann missi upp á vissan hátt.

Barnsleg bón hennar bæði gladdi ömmu og hryggði. Hún sagði litlu stúlkunni að heimsóknirnar yrðu að nægja. Og amma bakaði eina af sínum víðfrægðu súkkulaðitertum og sonardóttirin bauð öllum börnunum í Litla húsinu heim í drekkutíma.

Litla húsið og íbúar þess eiga stóran sess í hjarta litlu stúlkunnar sem er löngu vaxin úr grasi. Ekki aðeins urðu þau við bón gamallar konu, heldur fylgdi umhyggja þeirra og alúð með í kaupunum. Og óendanleg þolinmæði með lítilli stúlku sem gekk inn og út á heimili þeirra eins og ætti hún þar heima.

Litla húsið, sem ekki lét mikið yfir sér bar nafn með rentu vegna þeirra sem þar bjuggu: Fagrabrekka.

Takk Pétur

Athugasemdir

[Hólmdís Hjartardóttir, 16.4.2008 kl. 01:42]

Hugljúft. Heyrði ekki viðtalið við þig...var í vinnu og mér tekst ekki að hlusta á það á netinu. En ég sé á blogginu að þú sagðir mikla sögu.

[Jóna Kolbrún Garðarsdóttir, 16.4.2008 kl. 01:56]

Falleg saga

[Bergljót Hreinsdóttir, 16.4.2008 kl. 02:00]

Falleg saga og vel sögð.

Sem betur fer er til mikið af góðu fólki í veröldinni okkar.

Þú ert einstök manneskja Jóna!, takk fyrir að vera til

[Hulla Dan, 16.4.2008 kl. 02:48]

Tú segir yndislega frá

[Lilja Guðrún Þorvaldsdóttir, 16.4.2008 kl. 02:55]

Mikið er þetta falleg saga. -  Það er svo mikil fegurð til í þessum heimi, það er bara að leyfa sér að benda á fegurðina.  Eins og þú gerir nú í þessari frásögn.  Þakka þér fyrir Jóna að deila þessu með okkur.

[Þórarinn Þ Gíslason (IP-tala skráð) 16.4.2008 kl. 04:01]

Sæl Jóna.

Einstaklega hugljúf frásögn,hún er svo tær, skýr og lifandi.

Takk fyrir.

[Óskar Arnórsson, 16.4.2008 kl. 05:39]

takk fyrir fallega frásögn..

[Helga skjol, 16.4.2008 kl. 06:58]

Yndislega fallega saga

[Ía Jóhannsdóttir, 16.4.2008 kl. 07:11]

Já sem betur fer er til gott fólk sem hefur kærleikan að leiðarljósi.  Falleg frásögn Jóna

[Anna Margrét Bragadóttir, 16.4.2008 kl. 07:11]

[Linda litla, 16.4.2008 kl. 07:52]

Yndisleg saga, full af fegurð

[Jenný Anna Baldursdóttir, 16.4.2008 kl. 08:22]

Þú veist ég elska þig, snillingur villingur. Sagði ég þér það ekki í gær?

[Hrönn Sigurðardóttir, 16.4.2008 kl. 08:29]

Yndislegt svona fólk

[Ómar Ingi, 16.4.2008 kl. 08:45]

[Magnús Guðjónsson, 16.4.2008 kl. 08:46]

Takk fyrir  þessa  fallegu  sögu

[Birna Dis Vilbertsdóttir (IP-tala skráð) 16.4.2008 kl. 09:17]

Falleg frásögn

[Ásta Birna (IP-tala skráð) 16.4.2008 kl. 09:20]

stórt knús

[Svanhildur Karlsdóttir, 16.4.2008 kl. 09:28]

[Ragnhildur Jónsdóttir, 16.4.2008 kl. 09:35]

Yndislegt Jóna, falleg viðbót við viðtalið í útvarpinu. ... og enn falla tár en nú vegna náungakærleika og fegurðar fólksins. Ég sé fyrir mér litlu stúlkuna með stóru söguna í hjartanu. Þarna hefur hún strax fengið mikla heilun frá ömmunni skynsömu, hlýju og góðu og frá fjölskyldunni í litla húsinu með stóra hjartað. 

Fallega skrifað Jóna

[Guðmundur G. Hreiðarsson (IP-tala skráð) 16.4.2008 kl. 10:17]

Soldið væmið náttúrlega fyrir minn smekk, en ég er nú líka ákaflega harður nagli, hm.

[Inga Dóra, 16.4.2008 kl. 10:18]

ofsalega falleg frásögn.

knús og kram

[Dísa Dóra, 16.4.2008 kl. 10:23]

[M, 16.4.2008 kl. 10:43]

[Huld S. Ringsted, 16.4.2008 kl. 10:48]

Falleg saga!

[Kristín Katla Árnadóttir, 16.4.2008 kl. 11:00]

Mjög falleg saga

[Gunna-Polly, 16.4.2008 kl. 12:03]

falleg frásögn

[Sesselja Fjóla Þorsteinsdóttir, 16.4.2008 kl. 12:11]

Falleg frásögn og myndræn.

[Ásta Björk Hermannsdóttir, 16.4.2008 kl. 12:42]

Meira get ég ekki "sagt"

[Jóhanna Magnúsar- og Völudóttir , 16.4.2008 kl. 12:49]

Mikið er þetta krúttlegt, sé þessa fimm ára alveg ljóslifandi fyrir mér.

[Edda Agnarsdóttir, 16.4.2008 kl. 14:31]

Sem betur fer er lífið ekki hringvegur!

[Brjánn Guðjónsson, 16.4.2008 kl. 14:46]

[María Guðmundsdóttir, 16.4.2008 kl. 15:09]

 falleg frásøgn.

[Svala Birgisdóttir (IP-tala skráð) 16.4.2008 kl. 16:53]

Til hamingju með þín góðu pennahönd, þú ert sannarlega stórt ljós.

Sólar kveðjur

Svala

[Guðríður Pétursdóttir, 16.4.2008 kl. 17:03]

skemmtileg endurminning.. þetta er endurminning ekki satt?

Skondið, húsið "mitt" heima á stokkseyri hjá mömmu og pabba heitir einmitt Fagrabrekka

[Eyrún Gísladóttir, 16.4.2008 kl. 17:17]

Falleg saga ég var alveg að detta inn í ævintíraheim þegar sagan endaði endilega komdu með frammhald á morgun.

[Steingerður Steinarsdóttir, 16.4.2008 kl. 17:29]

Yndislega falleg saga.

[Rebbý, 16.4.2008 kl. 17:57]

falleg saga

[Helga Magnúsdóttir, 16.4.2008 kl. 19:51]

Þetta er alveg dásamlega falleg saga. Alltaf gott að heyra af því að það sé til virkilega gott fólk.

[Emma Agneta Björgvinsdóttir, 16.4.2008 kl. 19:54]

[Gunnlaugur Halldór Halldórsson, 16.4.2008 kl. 20:04]

Bara TAKK og Guð blessi þig

[Heiður Þórunn Sverrisdóttir, 16.4.2008 kl. 21:41]

falleg saga

[Linda Linnet Hilmarsdóttir, 16.4.2008 kl. 22:36]

[lady, 16.4.2008 kl. 22:39]

[Hundshausinn, 16.4.2008 kl. 22:55]

Skil ekki samhengið - þrátt fyrir yfirborðslegan skilning annarra...

[Katrín Snæhólm Baldursdóttir, 16.4.2008 kl. 23:06]

Ég hef mjög yfirborðslegan skilning á þessari sögu.......mér finnst hún algert yndi og algerlega falla að "hinni sögunni". Mikið ljós í þínum penna og reynslu sem þú skilar svo fallega í gegn Jóna mín.

[Jóna Á. Gísladóttir, 16.4.2008 kl. 23:26]

Takk fyrir öll komment krakkar mínir. Þið eruð yndi.

Jenný. Þú sagðir mér það ekki en skilaboðin eru móttekin

Guðríður. Jú þetta er endurminning

Osa. hvaða samhengi?

Katrín. Takk fyrir þinn yfirborðslega skilning

[Ásdís Sigurðardóttir, 16.4.2008 kl. 23:45]

Litla stúlkan heitir Jóna, ekki satt? relgulega hlý og falleg saga 

[Lilja G. Bolladóttir, 17.4.2008 kl. 01:23]

Ofboðslega er þetta flott hjá þér!!!

Var einmitt að hlusta á viðtalið við þig (á netinu), og út frá því, er þetta ein fallegasta saga sem ég hef lesið....

[Jóna Á. Gísladóttir, 17.4.2008 kl. 20:53]

Ásdís. Jú það er nafnið hennar.

Lilja. Takk fyrir það. virkilega fallega sagt.

[Brynja Hjaltadóttir, 17.4.2008 kl. 23:08]

Ég fór bara að skæla við að lesa þetta. Og er líka búin að hlusta á viðtalið.

Jóna, þú ert algjört yndi

[Jóna Á. Gísladóttir, 17.4.2008 kl. 23:10]

Dugleg stelpa Brynja mín