Fastar fléttur

 

Í gær var jólaball í dansskóla Gelgjunnar og spennan var mikil þar sem hennar hópur átti að sýna dansatriði. Þær áttu að vera klæddar í svartar leggings, svarta hlýraboli og með fastar fléttur. Ég er einskis nýt í föstu-fléttu-deildinni svo Gelgjan hvarf að heiman um miðjan dag til að fá þjónustuna heima hjá vinkonu sinni.

Ég var reyndar til fleiri verka einskis nýt í gær, sökum eftirkasta af áfengisdrykkju kvöldinu áður. En frúin bar sig vel og naut góðs af heitum faðmi Bretans á meðan við biðum eftir dansatriðinu. Áður en að því kom dönsuðu krakkarnir í kringum jólatréð og jólasveinn kom í heimsókn. Var sá óvenju  skemmtilegur og ég rak upp hlátursrokur öðru hverju.

Amma og afi sáu um spilverkið, þ.e. amma og afi einhvers. Afinn spilaði á harmonikku og amman barði trommurnar. Frekar sérstök upplifun að sjá þessa tignarlegu, eldri konu, í dökkblárri buxnadragt og hvítri blússu með blúndu við hálsinn, slá taktinn.

 

Ekki náðust góðar myndir af dansatriðinu sjálfu, en hér er mynd af skvísunum fyrir sýningu (Gelgjan er t.v.).      

 

 

 

Og hin myndin sem ég læt hér fylgja sýnir skemmtilegt sjónarhorn. Fullt af litlum stelpum, öllum eins, að taka við fyrirmælum frá kennaranum sínum. Ég þekki ekki einu sinni barnið mitt í hópnum.

 

 

 

 

 

 

 

 

 

Í bílnum á leiðinni heim sagði ég við Gelgjuna: Það þarf nú alveg sérstakan hæfileika til að brosa svona allan tímann eins og þú gerðir.

Já, hún gat alveg samþykkt það. En mamma, sagði hún. Ég hætti samt að brosa því mér fannst ég vera eins og fáviti. 

Ég skil ekki hvaðan krakkinn hefur þennan talsmáta.

 

 

Athugasemdir

[Katrín Ósk Adamsdóttir, 9.12.2007 kl. 18:05]

Ég held að ég hafi aldrei séð svona margar fléttur saman  Óneitanlega glæsileg stúlka hún dóttir þín  Ég vona að eftirköst gærkvöldsins séu hverfandi skvís

[Anna Lilja (IP-tala skráð) 9.12.2007 kl. 18:12]

Hún er nú ansi hreint lík þér - svona miðað við hvernig þú varst þegar við vorum saman í Vindáshlíðinni...

Alveg ótrúlega skemmtilegt að lesa pistlana þína!

Kv. Anna Lilja

[Brynja Hjaltadóttir, 9.12.2007 kl. 18:16]

Krúttleg gelgja svo mikið er víst  En óvíst að hún vilji láta kalla sig krúttlega miðað við talsmátann

[Hrönn Sigurðardóttir, 9.12.2007 kl. 18:50]

Sæt stelpa með fastar fléttur!!

....ótrúlega margar fastar fléttur........

[Bjarndís Helena Mitchell, 9.12.2007 kl. 18:55]

Þetta hefur verið gaman. Vonandi eru eftirköstin í rénun.  Dóttir þín er bráðmyndarleg með þessar fléttur.

[Ásta Björk Hermannsdóttir, 9.12.2007 kl. 20:39]

mm ekki gott að stríða við timburmenn þegar amma lemur trumburnar

myndarleg dóttir þín með svakalega flottar fléttur og vá þær eru allar eins frá þessur sjónarhorni haha

[Gerða Kristjáns, 9.12.2007 kl. 20:50]

Hún er krútt

[Einar Indriðason, 9.12.2007 kl. 21:06]

Talsmátann, segirðu... Er hún nokkuð farin að lesa bloggið þitt?

(nei, bara spekúlera....)

[Edda Agnarsdóttir, 9.12.2007 kl. 21:54]

Æðislegar myndir! Þetta finnst mér falleg greiðsla og stelpurnar tvær eru algjört bjútí!

[Jenný Anna Baldursdóttir, 9.12.2007 kl. 21:56]

Svo sætar saman vikonurnar

Get svarið það Jóna, þær eru eins og fjölburar svona aftanfrá séð.

[Kristín Katla Árnadóttir, 9.12.2007 kl. 22:22]

Mikið er hún sæt.

[Huld S. Ringsted, 9.12.2007 kl. 22:59]

Ofsalega er hún lík þér, sæt stelpa  Ég skil þig vel að þekkja hana ekki í hópnum, þær eru allar eins svona aftan frá!

[Hólmgeir Karlsson, 9.12.2007 kl. 23:06]

Greinilega skemmtilegur dagur hjá ykkur, svona fyrir utan timburmennina :)
Stelpan þín er ekkert smá sæt og geyslandi :) Þú ert rík kona

[Guðrún Jóhannesdóttir, 9.12.2007 kl. 23:15]

góðar kveðjur af Skaganum

[Bergdís Rósantsdóttir, 9.12.2007 kl. 23:24]

Myndarskvísa sem þú átt.  Flottar flétturnar. 

[Ómar Ingi, 9.12.2007 kl. 23:33]

Sæt er skvísan þín enda lík mömmsu sinni

Jæja best að fara setja fléttur í hárið mitt

[Kristín Björg Þorsteinsdóttir, 10.12.2007 kl. 07:41]

Évar aldrei góð í fléttum og dætur mínar eru báðar hárprúðar og mér fannst leiðinlegt að geta ekki fléttað þær fagurlega. Ég pantaði mér því fléttubók á Amazon og þær voru ægilega fínar eftir það...