Mynd af gleði

 

Enn skora Íslendingar á erlendri grundu og það er alltaf gaman að því.

Hljómsveitin Hraun er komin í 20 hljómsveita úrslit í tónlistarkeppni sem nefnist The Next Big Thing á vegum BBC.

Ég veit ekkert um þessa hljómsveit og hef aldrei heyrt hana nefnda. En það sem heillar mig upp úr skónum er myndin við þessa frétt. Hún sýnir væntanlega hljómsveitarmeðlimi og ekki ólíklegt að hún sé tekin á því andartaki sem tilkynnt er um áframhaldandi þátttökurétt, eða eitthvað slíkt.

Það er svo mikil gleði í þessari mynd og takið eftir barninu á myndinni. Ekki hægt annað en að fyllast gleði og hlæja svolítið yfir þessu litla andliti sem lítur út fyrir að vera hundrað prósent með á nótunum.

 

Hraun í úrslit í tónlistarkeppni BBC

Athugasemdir

[Jenný Anna Baldursdóttir, 27.11.2007 kl. 20:09]

Mikið gleði mikið gaman.

[Kristín Katla Árnadóttir, 27.11.2007 kl. 20:57]

Það er gott að gleðjast Jóna mín.

[Hrönn Sigurðardóttir, 27.11.2007 kl. 21:15]

Frábær mynd!

[Guðríður Pétursdóttir, 27.11.2007 kl. 21:43]

háhaha já akkúrat, ekkert smá mikill rokkari þetta krútt... "yeahhh"

[Jens Guð, 27.11.2007 kl. 22:07]

Þetta er létt popp-rokk hljómsveit.  Ég hef séð þá spila.  Þessi með ljósbláu húfuna spilar listilega á trommur jafnt sem harmónikku.

[Jóna Á. Gísladóttir, 27.11.2007 kl. 22:18]

Jens nú veit ég ekki hvort ég á að trúa þér

[Ómar Ingi, 27.11.2007 kl. 22:39]

Þeir spila svona tregablandað indy pop rock  hummm

En Tori Amos er að dæma þarna og sú söngkona elskar Ísland eftir heimsókn sína enda klifraði einhver góðhjartaður pilturinn uppá kellu og sýndi henni ekta íslenska kurteisi og ætli að Íslenska bandið beri henni ekki góðar minningar héðan.

En svona öllu gamni slepptu þá er þetta hið besta mál eins og bandið sjálft kallað HRAUN ætli Helgi í GÓU viti af þessu

[Lára Hanna Einarsdóttir, 27.11.2007 kl. 22:46]

Verð að játa að ég hef aldrei heyrt minnst á þessa hljómsveit, en ég fylgist nú ekki vel með. Myndin er stórskemmtileg og litla barnið virðist taka þátt í gleðinni af lífi og sál. Yndislegt.

[Linda litla, 27.11.2007 kl. 23:06]

Ég verð nú að viðurkenna að ég hef aldrei heyrt um þetta band. En myndin er æðisleg, barnið er sko alveg að falla inn í þennan hóp og skemmtir sér held ég bara manna best he he he

[Ásta (IP-tala skráð) 28.11.2007 kl. 09:09]

Myndin var tekin í vor að ég held - um það leiti sem plata hljómsveitarinnar kom út og þótt Úlfhildur Stefanía sé ekki formlega gengin til liðs við bandið er hún í markvissu trommuuppeldi hjá föður sínum.

[Jóna Á. Gísladóttir, 28.11.2007 kl. 11:24]

Ásta takk fyrir þessar upplýsingar sem koma greinilega frá innherja  Það er ekki vafi í mínum huga að Úlfhildur Stefanía eigi framtíðina fyrir sér á trommunum og ber líka alveg örugglega þetta stóra flotta nafn með rentu.