Happy birthday mr president

Bretinn á afmæli í dag. Og þetta er merkisafmæli því í síðasta skipti verður hann fjörutíuogeitthvað. Sem sagt 49 ára. Gamli kallinn minn.

En ekki verður á manninnum séð hversu mörg ár hann hefur lifað. Og alltaf hefur hann verið svo grannur og fitt að það hefur farið í taugarnar á fitubollunni mér. Mér hefur aldrei fundist við passa saman. Ekki fyrr en nú. Eftir að við hjónaleysin hættum að reykja. Maðurinn hefur bætt ágætlega á sig og er nú loksins verðugur þess að teljast húsbóndi minn og yfirvald (eða þannig). Hann lítur betur út með hverju kílóinu... og þá fer það auðvitað nett í taugarnar á mér. En ég elska hann.

Afmælisbarnið er á leiðinni heim með Unglinginn með sér og hér verður væntanlega slegið upp kósíkvöldi í boði Nings eða Indókína. Það þarf ekki að hafa mikið fyrir honum þessum. Þetta voru óskirnar þegar ég spurði; hvað viltu gera?

Svo var ég að spá í það í dag að redda barnapössun og draga hann út úr húsi og inn á Nings í staðin fyrir takeaway mat, og svo kannski bíó. En komst að þeirri niðurstöðu að heimakæri húsbóndinn vildi helst vera heima í faðmi fjölskyldunnar. Stundum man ég hvað ég er heppin.... stundum.

Hér syng ég honum til heiðurs:  http://www.youtube.com/watch?v=k4SLSlSmW74

 

Athugasemdir

[Guðríður Pétursdóttir, 25.10.2007 kl. 17:40]

Til hamingu sæta stelpa, til hamingju með bretann, til hamingju með hamingjuna

[Ásdís Sigurðardóttir, 25.10.2007 kl. 17:42]

Innilega til hamingju með bretann og líka til hamingju með aukakílín hans, það er bara meira til að elska.  ég á líka svona heimakrútt sem vildi grjónagraut og slátur þegar ég eldaði í síðasta sinn fyrir skurð, nú þarf ég að fara að gera graut aftur. Tekur þú svo ekki Happy birthday í kvöld þegar þú ert komin í baby doll.???  

[Marta B Helgadóttir, 25.10.2007 kl. 18:07]

Innilega til hamingju með húsbóndann og yfirvaldið

[Katrín Ósk Adamsdóttir, 25.10.2007 kl. 18:27]

INNILEGA TIL HAMINGJU MEÐ MANNINN  Ég er að meina afmælið hans en þetta kom út eins og þú hafir verið að fjárfesta í manni eða eignast mann núna

[Ragnheiður , 25.10.2007 kl. 18:27]

Til hamingju með hann (rosalega var mannskapurinn eitthvað hörundssár yfir kibbakibb...)

Eigðu notalegt kvöld mín kæra...minn er einmitt líka þarna 49.

[Júlía Margrét Einarsdóttir, 25.10.2007 kl. 19:24]

Hahaha, flott myndband, og til hamingju með bretann!

[Ómar Ingi, 25.10.2007 kl. 19:25]

Til hamingju með Nick vin minn

[Linda Berry (IP-tala skráð) 25.10.2007 kl. 19:45]

Þú ert bara vinsæll bloggari Jóna!  Ég rambaði á síðuna þína af bloggsíðu vinkonu minnar.  Gaman að sjá þig.  Hvar ertu að vinna núna?  Rosa væri gaman að hóa saman gamla DV genginu.  Við Bogga erum enþá í einhverju sambandi við og við að öðru leiti er ég ekki í sambandi við neinar.  Hef reyndar rekist á Ingu  nokkrum sinnum :)

[Sunna Dóra Möller, 25.10.2007 kl. 19:55]

Til hamingju með húsbóndann

[Hrönn Sigurðardóttir, 25.10.2007 kl. 19:57]

Til lukku með Bretann

[Jenný Anna Baldursdóttir, 25.10.2007 kl. 20:31]

Til hamingju með eiginmanninn

[Högni Jóhann Sigurjónsson, 25.10.2007 kl. 21:30]

Til hamingju með daginn.

[Rúna Guðfinnsdóttir, 25.10.2007 kl. 21:36]

Til hamingju með daginn

[Jóna Á. Gísladóttir, 25.10.2007 kl. 22:02]

Ég sagði Bretanum að hann væri búin að fá 14 afmæliskveðjur. Hann biður að heilsa ykkur.

Takk fyrir krúttin mín.

Linda , snúllan mín. ég hef oft látið mér detta í hug smá reunion með DV liðinu en svo nær það aldrei lengra. Einhver þarf að taka af skarið. 

Ragnheiður já það eru nú meiri ósköpin.

[Guðríður Haraldsdóttir, 25.10.2007 kl. 22:12]

Innilega til hamingju með elsku krúttið ... 49 ára. Ég er líka 49 og það er sko flottur aldur. Á einkamálasíðum segist ég vera rúmlega fertug og kemst frekar á stefnumót út að það en segja sannleikann ... ef ég er spurð beint út segi ég: Fjörutíu og *hóst* og fólk þorir ekki að spyrja frekar til að smitast ekki af berklum. Úps, best að fara að lúlla til að halda fjörutíuogeitthvað-lúkkinu, sífersk og sæt!!!

[Jóna Á. Gísladóttir, 25.10.2007 kl. 23:04]

Já berklar eru ekkert til að hlæja að Gurrí mín. Þú ERT sífersk og sæt svo þú hefur leyfi til að vaka til 12.. eins og Öskubuska

[Ólína Kjerúlf Þorvarðardóttir, 25.10.2007 kl. 23:11]

Til hamingju með Bretann 

[Birna Dis Vilbertsdóttir (IP-tala skráð) 25.10.2007 kl. 23:28]

Til hamingju með daginn.

[Doddi - Þorsteinn G. Jónsson (IP-tala skráð) 25.10.2007 kl. 23:46]

Innilega til hamingju með bóndann þinn! The more kilos are added, the more of him is to love ...!

Góða nótt dúlla!

[Anna Ólafsdóttir (anno) (IP-tala skráð) 26.10.2007 kl. 00:33]

Til hamingju með hann í gær (svona get ég verið slow) Þegar ég sá myndbandið var ekki laust við að ég saknaði gömlu myndarinnar af þér hér á blogginu

[Laufey Ólafsdóttir, 26.10.2007 kl. 00:35]

Til hamingju með manninn Marilyn mín. Vonandi eigið þið gott kvöld!

 

[Fríða brussubína (IP-tala skráð) 26.10.2007 kl. 08:41]

Til hamingju Jóna mín og kysstu kallinn frá mér. Þú lítur betur út í dag en þegar þú söngst fyrir forsetann 1962

[Bergdís Rósantsdóttir, 26.10.2007 kl. 21:17]

Til hamingju með Bretann.