Leita í fréttum mbl.is

Tómatur á toppnum á melónu

 

Áætlanir um sundsprett á morgnana urðu að víkja fyrir öðru. Ótrúlega óþægilegt að koma upp úr sundi í stresskasti að koma sér í leppana og vera ennþá að svitna af átökunum.

Svo er hárið vandamál. Sko á hausnum á mér. Reyndar er allt hár vandamál þegar maður ætlar að stunda sundlaugarnar en ég er hér að ræða hárið á hausnum á mér. Allt of mikið vesen að þurfa að þvo á sér hárið daglega að ég tali nú ekki um hversu illa klórinn fer með það. Litað hár og daglegur klór fer alls ekki saman. Ég keypti mér meira að segja sundhettu. Ekki er ég fríð með hana á hausnum en ég hefði látið mig hafa það. Get verið fríð allar aðrar stundir dagsins. En hún heldur ekki vatni. Þarf samt að blása á mér hárið. Vesen vesen vesen vesen.

Fríða Brussubína og ég ákváðu því að skella okkur í morgunleikfimi og byrjuðum okkar þriðju viku í morgun. Það er vissulega erfitt að vakna á morgnana og ég - B manneskja mikil - þarf að vera komin í rúmið fyrir miðnætti ef ég á að geta drattast á lappir rúmlega sex á morgnana. En líðanin er dásamleg eftir tímana og ég mæti hress og reif í vinnuna.

Tímarnir eru fjölbreyttir og mismunandi eftir dögum. Uppáhaldstíminn okkar Fríðu Brussubínu er á fimmtudögum. Lóðatími. Var tekið virkilega á í síðustu viku og harðsperrurnar í lærunum á mér voru svo magnaðar í nokkra daga að ég þurfti að ganga á ská niður stiga.

Við höldum okkur aftarlega í salnum - það er öruggara - svo við sjáum okkur ekki í speglinum sem er fremst. Ekki nema við færum okkur út úr röðunum.

Í tímanum í morgun sá ég alltaf öðruhvoru rauðan tómat birtast í speglinum... hoppandi upp og niður í takt við músikina og sporin. Uppgötvaði áður en leið á löngu að þetta var andlitið á mér. Rauður tómatur með ljóst hár. Ég upplifi mig eins og tómat og melónu.  Kroppurinn er melónan og þar ofan á situr tómatur.  Feitur og kringlóttur kroppur og lítill haus. Er að hugsa um að fá mér permanent til að auka stærðina á tómatnum. Þá myndi ég samsvara mér betur. Held að Bubbi Mortens kalli það að vera semitrískur.

 


« Síðasta færsla | Næsta færsla »

Athugasemdir

1 Smámynd: Ívar Pálsson

Dugleg!!! Nú er bara að sanna fyrir bloggheimi að þú náir 3 vikum (sem er 50% meira en 2 vikur). En er sex tíma svefn nóg? Held ekki, fröken B manneskja. Klukkan ellefu er málið!

Ívar Pálsson, 24.9.2007 kl. 23:57

2 Smámynd: Jenný Anna Baldursdóttir

Hehe, þú ert ekki symmetrisk sem sagt, heldur asymmetrisk elskan.  Flott.  Annars flippaði ég úr hlátri við tilhugsunina um þig og Brussubínu, hoppandi upp og niður.  OMG

Jenný Anna Baldursdóttir, 24.9.2007 kl. 23:59

3 Smámynd: krossgata

 Mikið er ég glöð að vera bara á einari (löpp) núna og löglega afsökuð að vera ekki að takaáðí.  Mikið eruð þið duglegar samt stelpur.

krossgata, 25.9.2007 kl. 00:01

4 Smámynd: Huld S. Ringsted

Ég vildi að ég væri svona dugleg, mín morgunleikfimi er að búa til kaffi og drekka það!!!

Huld S. Ringsted, 25.9.2007 kl. 00:05

5 Smámynd: Svava frá Strandbergi

Dugleg ertu að rífa þig svona upp á morgnana í leikfimina.

Svava frá Strandbergi , 25.9.2007 kl. 00:30

6 identicon

Nú skellihló ég, síðasta setningin er bara snilld.

Hvar ertu í þessum tímum? Laugum moske?

Katrín Brynja (IP-tala skráð) 25.9.2007 kl. 00:31

7 Smámynd: Bjarndís Helena Mitchell

Flott átak hjá þér. Alltaf gaman að lesa lýsingarnar hjá þér... Góða nótt.

Bjarndís Helena Mitchell, 25.9.2007 kl. 01:20

8 identicon

Hahahaha, já það er til skondin hlið á tilverunni, greynilega.

En dugleg ertu.  Ég er líka "alveg" að fara að byrja á þessu.

Guðrún B. (IP-tala skráð) 25.9.2007 kl. 08:26

9 Smámynd: Heimir Lárusson Fjeldsted

Góóóóóóð

Heimir Lárusson Fjeldsted, 25.9.2007 kl. 08:56

10 identicon

 snilld. Ég "dunda mér"við sundið 3-6 daga í viku og syndi 800 metrana. Ég er ekki með sundhettu enda verð ég ótrúlega asnaleg með hana. Kaupi því mun betra sjampó. Snilldar færsla .Melóna með tómat hehehehehehehe ég var þannig omg.hehehehehe

Birna Dis Vilbertsdóttir (IP-tala skráð) 25.9.2007 kl. 09:00

11 Smámynd: Kristín Katla Árnadóttir

Mikið ert dugleg Jóna mín að drífa þig í sund.

Kristín Katla Árnadóttir, 25.9.2007 kl. 09:52

12 Smámynd: Gunnar Helgi Eysteinsson

Þú ert fyndin...  

og hvenær kemur framhaldið af sögunni?

Gunnar Helgi Eysteinsson, 25.9.2007 kl. 13:45

13 Smámynd: Sigrún Friðriksdóttir

Ahahah góður !!! En síðbúnar afmæliskveðjur til þín Jóna mín !!! Flott kortið frá fjölskyldunni

Sigrún Friðriksdóttir, 25.9.2007 kl. 16:10

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóna Á. Gísladóttir
Jóna Á. Gísladóttir

 

 

 Ég er nokkuð dæmigerð íslensk útivinnandi kona. Hef lokið grunnnámi í markþjálfun og gengur betur að hjálpa öðrum við markmiðasetningu en sjálfri mér. Mér lætur líka betur að stjórna öðrum en sjálfri mér. 

 netfangið mitt er jonaagisla@gmail.com

 

 

 

Heimsóknir

Flettingar

  • Í dag (28.3.): 1
  • Sl. sólarhring: 2
  • Sl. viku: 10
  • Frá upphafi: 1639863

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband