Jóhanna þú reyndist sannspá - kommasooo

 

''Minn tími mun koma''

Ég held að það hafi verið árið 1994 sem þessi orð voru fyrst höfð eftir Jóhönnu Sigurðardóttur. Og tíminn hennar Jóhönnu er kominn. Um leið birtir hjá mörgum.

Jóhanna hefur látið að sér kveða síðustu mánuði svo eftir hefur verið tekið. Könnun hjá strákunum í Reykjavík síðdegis á Bylgjunni 21.-23. september, er til marks um þetta.

Spurt var: hvaða ráðherra finnst þér standa sig best í ríkisstjórn?

12 ráðherrar komust á blað.

Sá ráðherra sem telst standa sig næstbest er Geir H. Haarde með 18% atkvæða.

Jóhanna hefur staðið sig best samkvæmt þessari könnun og það er varla smekksatriði. Bara staðreynd. Enda sýna tölurnar það í umræddri könnun;

Jóhanna fær 32% atkvæða og hífir með því ráðherra Samfylkingar upp fyrir ráðherra Sjálfstæðisflokks á heildina litið.

Í dag fékk ég símtal frá Vesturhlíð, þar sem Sá Einhverfi er í gæslu eftir skóla, og mér tjáð að Stöð 2 ætlaði að mæta á svæðið og taka myndir. Tilefnið er umfjöllun þeirra um mannekluna á frístundaheimilinu sem þjónustar nemendur Öskjuhlíðarskóla og fleiri.

Jóhanna mín, horfðu nú á Stöð 2 í kvöld og reynum í sameiningu að finna lausnir. Það er svo þreytandi að standa frammi fyrir því á hverju hausti að vita ekki hvort maður geti haldið starfinu sínu. Þolinmæði vinnuveitenda er ekki endalaus.

Og ef fólk missir vinnuna sína, þá missir það húsnæðið og þá þarf að fá félagslegt húsnæði og það er ekki til og þá lendir fólk á götunni og þarf á allskonar styrkjum að halda og þegar upp er staðið er þetta svo mikið mikið dýrara en ef bara launin yrðu hækkuð og fólki útvegað hærra starfshlutfall á frístundaheimilunum.

Jóhanna ég treysti á þig.... kommasoooooooo

 

Athugasemdir

[Jenný Anna Baldursdóttir, 24.9.2007 kl. 17:47]

Flott, flott, flott hjá þér stelpa.  Ég hef fulla trú á Jóhönnu, reyndar, en auðvitað á eftir að taka tíma að vinna upp áralanga vanræsklu í málaflokkunum sem heyra undir hana.  Á meðan heldur maður niðri í sér andanum.

Smjúts á þig.

[Ásta María H Jensen, 24.9.2007 kl. 17:59]

Já ég tek undir, það verður að komast á þetta lausn.  Það var líka hringt í mig í dag og beðið um leyfi til að taka mynd af pattanum ef ske skildi.

[Marta B Helgadóttir, 24.9.2007 kl. 18:01]

Hún stendur sig vel, rétt kona á réttum stað.

[krossgata, 24.9.2007 kl. 18:14]

Ég hef fulla trú á Jóhönnu.  Ég vann lengi í málaflokki fatlaðra og komu nokkrir félagsmálaráðherrar að á þeim tíma.  Jóhanna var eini ráðherrann að mínu mati sem stóð vörð um fatlaða og eini ráðherrann sem ég man eftir að hafi neitað að skera niður í málaflokknum þegar fyrirskipaðar voru niðurskurðaraðgerðir.

[Hugarfluga, 24.9.2007 kl. 18:22]

Jóhanna er mín kona! Hún vann ötullega að máli, sem ég lagði fyrir hana fyrir 10 árum síðan. Máli sem varð að frumvarpi og síðan að lögum, þökk sé hennar stuðningi og eljusemi. Vona að lausn finnist á málum sonar þíns.

[Gunnar Helgi Eysteinsson, 24.9.2007 kl. 18:37]

Ég ætla kynna mér Jóhönnu...

[Guðrún B. (IP-tala skráð) 24.9.2007 kl. 19:02]

[Þórdís Bára Hannesdóttir, 24.9.2007 kl. 19:31]

Já nú hefur hún tækifæri til að sanna sig.  Vonandi tekst henni að kría út peninga til famfara fyrir félagslega þáttinn í landinu, sem hefur farið halloka síðustu kjörtímabil.  Verst að sjálfstæðismenn skuli enn vera með fjármálaráðueytið því  það ráðuneyti ræður svo miklu. 

[Högni Jóhann Sigurjónsson, 24.9.2007 kl. 19:53]

AH Þórdís! þú meintir örugglega,, sem betur fer" er það ekki ?

Ég er hrifinn af Jóhönnu hún er ekkert að bíða eftir einhverju minnisblaði hún gengur bara í verkin, enn það er líka hægt að missa sig í góðgerðarmálum því að svo eru vandamálin mörg og stór, svo það er eins gott að í fjámálaráðuneytinu sé einhver sem stígur á bremsuna, þó svo að hann hafi farið fullgeyst bæði þegar hann velti hestakerrunni og gullferjunni.

[Kristín Katla Árnadóttir, 24.9.2007 kl. 20:15]

Hún stendur sig bara vel.

[Heimir Lárusson Fjeldsted, 24.9.2007 kl. 21:59]

Jóhann er ráðherra af alúð og hefur stærst hjarta starfandi ráðherra.

[Kjartan Pálmarsson, 24.9.2007 kl. 23:42]

Jóhanna á eftir að tækla alla þessa málaflokka sem snerta börn, hvar sem þau eru, sjúkrahúsum,dagvistarstofnunum eða annarstaðar. Sannið til. Jóhanna er manngæðingur fram í fingurgóma ef ekki lengra. Hún hættir ekki fyrr enn þessi mál eru komin í gott lag, fyrr skal hattur minn vera etinn af mér sjálfum.

[Jens Guð, 25.9.2007 kl. 00:45]

  Ég tek undir með Heimi.  Jóhanna hefur alltaf virkað á mig sem að heil og sönn hugsjónarmanneskja.  Ég er í Frjálslynda flokknum einmitt vegna þess að mér líkar við að stjórnmálamenn stjórnist af hugsjón umfram annað.  Jóhanna er klárlega góð manneskja með hjartað á réttum stað.  Ég ber virðingu fyrir henni.  Heiðarleg kona sem að setur sig inn í mál og virkilega vinnur fyrir sína skjólstæðinga. 

[Þórdís Bára Hannesdóttir, 25.9.2007 kl. 17:43]

Góðgerðarmálum? ertu ekki eitthvað að misskilja Högni?  Eru mannréttindi góðgerðarmál?