Hver eldar hjá ykkur í kvöld

Bara að láta ykkur vita að hér verður steiktur fiskur ala Jóna í matinn í kvöld.

Enginn orðlaus og opinmynntur Breti inn í stofu núna. Nei nei. Minn maður bara rólegur í vinnunni ennþá og lætur mér eldhúsið eftir með glöðu geði.

Samt á ég alveg von á því að hann gægist yfir öxlina á mér á eftir og spyrji hvað kartöflur séu búnar að sjóða lengi og hvort ég ætli að nota svona mörg egg til að dýfa í.

Viðbrögð mín við þeirri afskiptasemi fara svo eftir því í hvernig skapi ég verð. Kannski mun ýsan ''brenna'' óvart við, á nýju Ikea pönnunni. Muniði... þessari sem litli rasistinn frá Englandi hjálpaði mér að velja í sumar.

Hvað er/var í matinn hjá ykkur í kvöld og hver eldar og með hversu glöðu geði?

Athugasemdir

[krossgata, 19.9.2007 kl. 18:18]

Það verður skyr og brauð í kveld.  Mjólkursamsalan og eitthvað bakarí sáu um eldamennskuna, vonandi með glöðu geði.   

Annars er það svipað á mínu heimili og þínu að minn ekta sér um eldamennsku 9/10 skiptum, oft með glöðu geði.  Samt er ég afar flinkur kokkur, mér bara leiðist að elda.

[Blómið, 19.9.2007 kl. 18:39]

Hjá mér sá fisksalinn um undirbúning. Ýsuflök upprúlluð með humarosti, skreytt með brokkolí, sítrónu og papriku.  Virkilega flott hjá honum.   Þessu skellti ég í ofninn með brosi á vör   Borið á borð fyrir minn ekta og unglingana sem áttu ekki orð yfir hversu mikið ég hafði fyrir fiskinum.   Enda var ég nú ekki að upplýsa hver sá um undirbúning að krásunum

[Ólöf Anna , 19.9.2007 kl. 18:54]

humm kallin er að elda einn af uppáhaldsréttunum mínum. Steikt hakk með sætri kartöflumús 

[Ómar Ingi, 19.9.2007 kl. 19:11]

Steiktur fiskur Issss,  U can keep It

Ég er sá eini á heimilinu sem kann að kokka

[Hugarfluga, 19.9.2007 kl. 19:15]

Steiktar kjötfarsbollur með rabbabarasultu og heimatilbúin kartöflumús, sem ég búddi til alle sjálf! Hér á bæ vill unga fólkið svona mat frekar en hammara eða pizzu. Þjóðlegt skal það vera!

[Jenný Anna Baldursdóttir, 19.9.2007 kl. 19:20]

Kjúklingabringur, með hrísgrjónum og sterkri karrísósu, gulrótum, rósakáli og eplum.  Klikkar ekki.

Moi elda, með glöðu andskotans geði

Farðu að meila mér eitthvað skemmtilegt, ég er að bíða og ég þarf á uppörvun að halda addna

[Guðríður Haraldsdóttir, 19.9.2007 kl. 19:29]

Jónas eldaði þriggja rétta máltíð fyrir mig í kvöld. Hokkaidosúpa með ristuðum sesamfræjum var í forrétt, kalkúnabringa með banönum og blaðlauk, ásamt djúpsteiktum sneiðum af sætum kartöflum með límónumajónesi í aðalrétt. Í eftirrétt var límónu-rúlluterta. Ég get ekki beðið eftir kvöldkaffinu.

[Hrönn Sigurðardóttir, 19.9.2007 kl. 19:30]

Pasta með afgangi af kjúklingarétti sem ég eldaði í indíánapottinum mínum í gær, með brauð sem ég er að baka núna.

Dash af rauðvíni með. Namm hvað ég hlakka til..........

[Guðríður Haraldsdóttir, 19.9.2007 kl. 19:31]

Þessar uppskriftir voru teknar upp úr bókinni Framandi réttir. Sannleikurinn er sá að ég borðaði dollu af vanilluskyri (.is). Kann ekki við að skrökva á svona virðulegu bloggi.

[Guðný GG, 19.9.2007 kl. 19:52]

Öööhh hérna meginn er hakk og spaghetti

[Guðný GG, 19.9.2007 kl. 19:55]

ok nú er ég algjörlega brjáluð .Helv.djöf.andsk. tölvudr..... stal öllu frá mér sem ég ætlaði að segja 

hilsen .... bara so ég missi mig ekkkkkkkkki

[Huld S. Ringsted, 19.9.2007 kl. 19:57]

Það átti að vera glæný ýsa veidd í morgun en húsbandið kom svo seint heim af sjónum svo það var bara keyptur tilbúinn kjulli og franskar

[Bjarndís Helena Mitchell, 19.9.2007 kl. 20:01]

Í tilefni frumburðarins sem er 17 ára í dag, þá voru tveir lambahryggir í matinn, brúnaðar nýjar íslenskar kartöflur, hvítvínssósa ala mamma, hrásalat (heimagert), og léttsoðið brokkolí í eigin safa í aðalrétt. Í eftirmat er svo eðalsúkkulaði pottakaka ala Betty Crocker (í bleyttri með ávöxtum og grænmeti) með bráðnuðu súkkulaði yfir ásamt eðal heimagerðri súkkulaðimús í eftirrétt. Þetta elduðum við í sameiningu og nutum í kór! Bon appetit

[Jóna Á. Gísladóttir, 19.9.2007 kl. 20:24]

Þið eruð nú meiri krúttin  

Jón Arnar ohhh hvað ég vildi að ég væri í köben að sjoppa 

Krossgata skyr og brauð stendur nú alltaf fyrir sínu

Blómið það er eins gott að þinn ekta og unglingurinn lesi ekki bloggið mitt hehe. Þeir hafa gott af því að lifa áfram í myrkrinu

Ólöf Anna. Ha?

Ómar. Ástæðan fyrir því hvað japanir eru langlífir er fiskát og hana nú

Hugarfluga. Þú er dugleg að búdda þetta til sjálf stelpa

Jenný Anna andskotans geðið á þér. Eg sendi þér mail þegar ég er laus við krakkaormana í rúmið

Gurrí hahaha ég var að hugsa hvurslags voða máltíð þetta væri svona á miðvikudagskvöldi

Hrönn Hvað er indíánapottur?

Guðný ég get líka orðið svona pirruð á hakki og spaghettíi

Huld það er munur að hafa svona bónda sem dregur björg í bú. Og hafa svo Nóatún til að bakka sig upp með kjúlla og franskar

Bjarndís. Vá!! (öfundarkall) Til hamingju með frumburðinn

[Kristín Katla Árnadóttir, 19.9.2007 kl. 20:25]

Je minn ég varla þori að segja frá því. Humm ég var bara með pulsur og pulsubrauð

[Jóna Á. Gísladóttir, 19.9.2007 kl. 20:27]

Kristín Katla það er svo gott svona inn á milli finnst mér

[Þröstur Unnar, 19.9.2007 kl. 20:27]

Hjá mér var yndisleg kjötsúpa búin til þarna fyrir sunnan, hinumegin við Flóann, í einhverjum matreiðsluskóla, og færð mér á vinnustað í dag. Þurfti bara að snúa takkanum á örbylgjunni og DÍNG allt tilbúið. Borin fram af mér sjálfum með ískaldri spikfeitri nýmjólk.

[Jóna Á. Gísladóttir, 19.9.2007 kl. 20:28]

Þröstur færð þú heimsendan mat úr matreiðsluskóla. En skemmtilegt!

[Þröstur Unnar, 19.9.2007 kl. 20:32]

Já stöku sinnum, algjör lúxus.

[Þórdís Guðmundsdóttir, 19.9.2007 kl. 20:52]

Pínulítill lambabógur af nýslátruðu, ratatouille og nýjar kartöflur! 

[Karl Tómasson, 19.9.2007 kl. 21:00]

Jæja Jóna mín.

Hjá mér voru kjúklingabringur ég held í salami. Meðlætið voru steikt epli og kartöflur ásamt hrísgrjónum. Hún Lína mín eldaði. Samt er ég mjög duglegur við það, bara svo þú vitir það.

Bestu kveðjur frá Kalla Tomm úr Mosó.

[Anna Ólafsdóttir (anno) (IP-tala skráð) 19.9.2007 kl. 21:26]

Soðinn, villtur lax, úr Hofsá, húsbandið eldaði meðan ég fór í ræktina  Þetta var nákvæmlega þessi eini lax sem hann fæst til að drepa á laxveiðitímabilinu, hann er alltaf sérvalinn svona frá 6-8 pund, má ekki vera stærri því að þá heimtar hann að sleppa honum (svo er stærri fiskur ekki nálægt því eins góður anyway). Það rétt slapp fyrir horn hjá honum í sumar að ná þessum laxi, eins gott, hann veit sem er að ég verð ansi yggld á svipinn ef þessi eini hefur ekki skilað sér eftir síðustu veiðiferðina . Þetta er aftur á móti í fyrsta skipti sem hann tekur að sér að elda laxinn. Hann (laxinn) var góðdómlegur (reyndar kokkurinn líka að sjá um þetta allt saman)  

[Jenný Anna Baldursdóttir, 19.9.2007 kl. 22:12]

Meil darling

[Ómar Ingi, 19.9.2007 kl. 22:36]

En hefurðu séð Japani í framan

Segi nú bara eins og Freddie Mercury söng WHO WANTS 2 LIVE FOREVER.

Mexikóskar pönnsur hjá Örnu og málið er dautt

[Högni Jóhann Sigurjónsson, 19.9.2007 kl. 23:23]

Ég át á Kanslaranum á meðan ég horfði á leikinn veit ekki hver eldaði.

Það er alveg eins hjá mér og ykkur flestum að maki minn eldar

Reyndar er ég einn hér langt uppi í sveit alla vikuna og verð því að elda og það er ýmislegt sem fer í pottana eða á pönnuna t.d. Anna, þá er hér oft bleikja,urriði og lax ég er sammála þér að hann má ekki vera stærri.

[Guðrún B. (IP-tala skráð) 19.9.2007 kl. 23:25]

Hér var nu bara típískt þýskt/íslenskt Gordon Blue, kartöffluskífur, heimatilbúið hrásallad og svepparjómasósusull eitthvað. Otrúlega gott samt, og svo skrapp ég í hús og eldaði þar fyrir fjölskylduna líka Kjúkling grænmeti gratín og bakaði súkkulaðiköku. Ótrúlega mikið eldað af mér í kvöld.

[Högni Jóhann Sigurjónsson, 19.9.2007 kl. 23:27]

Þetta lítur nú ekki vel út, það er ýmislegt sem fer í pottana eða á pönnuna t.d. Anna,

Átti auðvitað að vera,, pönnuna, t.d. Anna, þá". Eða einhvernveginn svona.

[Jenný Anna Baldursdóttir, 20.9.2007 kl. 00:36]

Meil, amk. 2 darling.

[Jens Guð, 20.9.2007 kl. 00:38]

  Ég skildi eftir næstum aldarfjórðungs langt hjónaband fyrir 8 árum.  Það kom aldrei upp ágreinungur um eldamennskuna.  Enda engin ástæða til.  Ég held að ég hafi oftast séð um hana.  Konan er kannski á öðru máli.  Ég veit það ekki.  Oft var maturinn þó aðkeyptur.  Og um helgar borðuðum við yfirleitt á veitingastöðum. 

  Eftir skilnaðinn hef ég bara borðað á veitingastöðum.  Og kann vel við það.  Múlakaffi og BSÍ verða oftast fyrir valinu.  En einnig valsa ég á milli Asks,  Nings og hinna ýmsu veitingastaða.  Það er ansi mikill léttir að þurfa ekki að elda sjálfur. 

[Steingrímur Helgason, 20.9.2007 kl. 01:40]

Já, ég reif niður einn blómkálshaus, baðaði & snyrti, sauð niður í súpu handa lillakúd.

Skar niður einhverja þrjá helmínga af mismunandi laukum, hálfa papriku, svindlaði með hálfum poka af forskornum Euroshop sveppum útí, kramdi hvítlauksrif með & lét krauma saman í ólifíuolíu & smérklípu.

Renndi því af.  Var búin að fituhreinsa & snyrta nokkur lambahjörtu & svissaði þau, sauð þau svo meyr í potti, bætti út í hrísgrjónum, renndi aftur laukunum & paprikuni yfir, bætti við smá chilli & chayenne pipar, saltaði létt.

Þetta virkaði alveg.

S.

[Doddi - Þorsteinn G. Jónsson (IP-tala skráð) 20.9.2007 kl. 01:41]

Það var ég sem eldaði í kvöld: spaghetti og steikt hakk í ítalskri sósu ... - það var með glöðu geði og heyrðust mér heimilisbúar vera þokkalega ánægðir

Ég elska að elda, og finn mikla fróun í því. 

[Þórður Ingi Bjarnason, 20.9.2007 kl. 08:41]

Það var ég sem eldaði, eins og yfirleitt.  ég hafði kjötbollur með brúnni sósu og kartöflumús. 

[Gunnar Helgi Eysteinsson, 20.9.2007 kl. 09:16]

Ég vinn kvöldvakt svo það er ekki ég...

[Ásdís Sigurðardóttir, 20.9.2007 kl. 13:22]

Ég var ein í mat, þannig að það var bara skinkusalat með speltbrauði og prins polo  mjög hollt  :):)

[María Anna P Kristjánsdóttir, 20.9.2007 kl. 15:43]

Í kvöld verður í matinn hjá mér yndisleg kjúklinga kjötsúpa á Ítalska vísu,og heit rúnstykki með.

Í gærkvöldi var ég með steikta tandori kryddaða ýsu í raspi með kartöflum og salati,og það er ég sem elda,nammi namm. 

[Jóna Á. Gísladóttir, 20.9.2007 kl. 15:48]

Vá hvað þið eruð eitthvað aktív í eldhúsinu. hver gúrmei máltíðin á fætur annarri talin upp hér. Athyglisvert líka hvað allir (flestir) sem kvitta eru þeir sem elda. hehe. Ætli makinn sé sammála?

[Jenný Anna Baldursdóttir, 20.9.2007 kl. 15:52]

Meil núna!

[Jenný Anna Baldursdóttir, 20.9.2007 kl. 16:20]

Aftur meil og komasho.

[Jenný Anna Baldursdóttir, 20.9.2007 kl. 16:47]

[Ása Hildur Guðjónsdóttir, 20.9.2007 kl. 23:43]

Á mínu heimili steikti minn heittelskaði hamborgara í flýti rétt áður en við rukum út úr dyrunum. Og vaskaði upp þegar við komum heim.

Enginn húsmóðir í mér í dag. Og þó ég er búin að mata þvottavélina og þurrkarann nokkrum sinnum og versla stórt í Krónunni á grandanum. Flott búð.