Ég væli yfir öllu

Anna frænka kom yfir í mat í kvöld. Hún var meiriháttar grasekkja þangað til fyrir klukkustund síðan. Kallinn í veiði og börnin þrjú (sem eru nú engin börn lengur) út um hvippinn og hvappinn (eða er það kvippinn og kvappinn?).

Á borðum var nautasteik Ala Breti steikt upp úr hvítlauk, lauk og engiferi, með frönskum kartöflum og hrikalega góðri sósu. Með þessu var drukkið Coca-cola light 2007.

Í kvöld horfðum við Bretinn á Monster in Law með Jane Fonda og Jennifer Lopez. Engin óskarsverðlaunamynd en ég hafði gaman af henni. Og ég vældi í endann.

Damn.... ég væli yfir öllum væmnum atriðum í bíómyndum. Held þetta sé aldurinn. Er ekki sagt að maður verði meyrari með aldrinum?

Athugasemdir

[Elín Arnar, 5.8.2007 kl. 00:10]

mér finnst sætt að fella tár yfir bíómyndum og geri það óspart  

[Hugarfluga, 5.8.2007 kl. 00:11]

Meyrari og meiri um mig ... þannig er ég með aldrinum. Grenja yfir Lottu í Ólátagarði og fitna við tilhugsunina um að ét'ana. Er samt rosa þakklát fyrir að fá að eldast og allt það ... bara svo það sé á hreinu.

[Jenný Anna Baldursdóttir, 5.8.2007 kl. 00:19]

Ég grenja sjaldan en það gerist yfir völdum bíómyndum.  The light has to be right, smell in the air and everybody around me has to be miserable.  Segi svona.  Skil þig alleg en hef vegna ömmustands ekki horft á neitt í kvöld.  Var að meila þér (flautukarl).

Smjúts

[Jóna Á. Gísladóttir, 5.8.2007 kl. 00:22]

Elín finnst þér það líka krúttlegt þegar karlmenn væla yfir bíómyndum?

Hugarfluga. Fitnar við tilhugsunina að éta hana Lottu litlu?

Jenný nefndu mér eina bíómynd sem þú hefur grenjað yfir? Strax!

[Anna Ólafsdóttir (anno) (IP-tala skráð) 5.8.2007 kl. 00:54]

Ég grenja sko yfir myndum, jafnvel tónlist líka (æ, þú veist hvernig ég er)

Fyrstu myndirnar sem mér detta í hug sem ég grenjaði eins og griðungur yfir var legend of the Falls með Anthony Hopkins og hinum guðdómlega Brad Pitt meðal annarra, svo er það Notebook, hún er þriggja vasaklúta.

[Jóna Á. Gísladóttir, 5.8.2007 kl. 01:00]

Anna ég hef alveg örugglega heyrt nafnið áður, Notebook. Hélt ég hefði séð hana og gúgglaði. Hef ekki séð hana svo hún fer á listann. Ég horfði á yndislega mynd í nótt. My house in Umbria með Maggie Smith. Þetta er ein af þessum yndislegu, litlu bresku myndum með fullt af dialogum og sterkri persónusköpun. Alveg hreint yndisleg.

[Marta B Helgadóttir, 5.8.2007 kl. 01:43]

Mér finnst bara sætt að fólk tárist aðeins yfir bíómyndum.  Kannski er það aldurinn - minn

Hugarfluga - húmoristi númer eitt - ég er ennnnnn í kasti hérna

[Ómar Ingi, 5.8.2007 kl. 12:51]

Já grét yfir þessari enda með þeim leiðinlegri það árið.

Notebook er aftur á móti frábær kvikmynd sem já kallar fram tárinn hjá flestum sem svona yfir höfuð hafa tilfinningar.

Það er að koma ein fyrir ykkur sem svipar soldið til Notebook , Fried Green Tomatos og How To Make An American Quilt en hún heitir Evening.

http://www.apple.com/trailers/focus_features/evening/

Ég mun án efa væla soldið yfir þessari konumyndinni , enda er ég alger kelling