Þegar ég verð stór ætla ég að verða uppfinningakona

Útivistin mín í dag fólst ekki í vorhátíð í Selásskóla eins og ég sagði ykkur heldur arkaði ég af stað niður að Rauðavatni með hundana. Hafði hugsað mér að fara hringinn í kringum vatnið en ég varð svo reið út í bévítans óþekktar-rakka-rugludallana að ég sneri við með þá með nefið upp í loft og strunsaði áleiðis heim eftir 20 mín göngutúr. Eins og það hefði einhver áhrif á glottið á andlitinum á þeim. Yeah right!

Þegar heim kom ákvað ég þar sem ég var klædd til útiveru. í það haustveður sem ríkti hér í Selásnum í dag, að fara út og negla enn eina spýtuna í grindverkið. Viddi hefur orðið sér úti um of mikið frjálsræði undanfarið. Það gustaði af mér þegar ég skálmaði út í bílskúr og náði í hamar, nagla og sög. Var alveg komin í gírinn þegar ég var búin að negla 2 spýtur fastar. Best að týna upp hundaskít úr garðinum.

Vopnuð gúmmíhanska og bónusplastpoka hófst ég handa og vá.... þvílík vinna. Hundhelvítin (já þeir pirruðu mig óstjórnlega í dag) lágu þarna úti, virðulegir eins og Hans hátign heilagleikinn sjálfur og fylgdust grannt með hverri hreyfingu. Þóttust horfa á mig með lotningu þar sem ég gjörsamlega skreið í skítnum fyrir þá en ég veit betur.

Það var við þessar aðstæður sem ég uppgötvaði loksins hvernig ég verð rík. Gamla góða berjatínan verður tekin og stökkbreytt. Hlýtur að vera hægt að aðlaga hana hundskítstínslu. Það er þunn lína á milli bláberja og lambasparða. Frá Lambaspörðum er ekki langur vegur að hundaskít. Óska eftir uppástungum hvað slík tína gæti heitið.

Athugasemdir

[Svavar Alfreð Jónsson, 17.5.2007 kl. 21:48]

Kúkakambur?

[Jenný Anna Baldursdóttir, 17.5.2007 kl. 21:48]

Kúkína, sparðaplokkari eitthvað sollis.  Sem betur fer þarf ég ekki á sollis að halda.  Meiri bölvaður veðbjóðurinn.

[Jóna Á. Gísladóttir, 17.5.2007 kl. 21:56]

  

[Svavar Alfreð Jónsson, 17.5.2007 kl. 21:58]

Var líka að hugsa um "saursleikja" en held mig við fyrri uppástunguna.

[Brynja Hjaltadóttir, 19.5.2007 kl. 00:15]

skítatína..

[Jóna Á. Gísladóttir, 19.5.2007 kl. 00:30]

Allt þetta kemur til greina. Very good guys. Nema... Svavar oj. Saursleikja hahahahaha. Oj oj oj.